Asturies destina dos millones a una nueva convocatoria del Programa Investigo pa "retener talentu"
El Sepepa alza en 600.000 euros la partida pa esta llinia d'ayudes, que nagua por facilitar l'insertamientu llaboral de menores de 30 años
Programa Investigo pa "retener talentu". / LNE
Col oxetivu de retener talentu ya impulsar proyeutos estratéxicos, el Gobiernu del Principáu entama una nueva convocatoria del Programa Investigo con una dotación de dos millones d'euros.
Esta partida destinase a promover la contratación de persones moces paraes en proyeutos d'investigación ya anovación que se desenvuelvan n'Asturies. "El Serviciu Públicu d'Empléu (Sepepa) incrementó en 600.000 euros la partida pa esta llinia al respeutive del añu pasáu, p'aumentar el númberu de persones beneficiaries", indica la Conseyería de Ciencia, Industria y Empléu.
El Programa Investigo ta dirixíu a persones menores de 30 años inscrites nel Sistema Nacional de Garantía Xuvenil y nagua por facilitar la so incorporación al mercáu llaboral per aciu de contratos venceyaos a proyeutos anovadores. La iniciativa, impulsada pola Conseyería de Ciencia, Industria y Empléu, financia acciones d'entidaes públiques y privaes pa contribuyir al fortalecimientu del ecosistema científicu y teunolóxicu.
Retener talentu
El Conseyu de Gobiernu yá autorizó'l gastu pa esti programa, que se va distribuyir ente esti añu y 2028. El financiamientu va repartise ente universidaes, organismos públicos d'investigación, empreses privaes, entidaes públiques empresariales y organizaciones ensin ánimu de lucru.
La convocatoria va poder ser cofinanciada hasta nun 70 % pol Fondu de Transición Xusta, nel marcu del programa 2021‑2027, y va tener tamién aportaciones del Serviciu Públicu d'Empléu Estatal (SEPE) al traviés de la Conferencia Sectorial d'Empléu y Asuntos Llaborales.
"Esta iniciativa da continuidá n'Asturies a una llinia d'ayudes nacionales que s'entamó en 2022 y que llogró un impactu positivu nel empléu, de la que contribuyó a retener talentu y a impulsar proyeutos anovadores en sectores estratéxicos", sorraya la Conseyería.
Nes ediciones previes, el Sepepa facilitó la contratación de más de 150 mozos investigadores y personal téunico n'universidaes, empreses y fundaciones, 7,6 millones de financiación. Dende l'añu pasáu, una vegada rematáu'l programa nacional, la llinia Nueva Investigo incorporóse al presupuestu del Sepepa como iniciativa propia.
"Cola ayuda del Gobiernu del Principáu d'Asturies"
- Julián García Quirós, el cabo noreñés de 25 años que es el mejor tirador de las fuerzas y cuerpos de seguridad del Estado: "Lo importante es la constancia en el entrenamiento"
- Fallece un trabajador en una torre de alta tensión junto al túnel del Padrún: retenciones en la autopista
- Atención conductores asturianos: atascos kilométricos en las próximas horas por lo ocurrido en las principales vías de salida
- El pueblo de Asturias donde veranea Dani Carvajal con su familia: así es el 'Hollywood del norte
- Conmoción por la muerte en un accidente de moto en México del policía asturiano David Trapiella Megido, de 50 años
- La exitosa pareja de Asturias premiada por Ayuso en el Día de la Comunidad de Madrid por ser ejemplo 'de lucha de todo lo bueno que hay en la vida
- La ganadería de los horrores: investigan a un matrimonio del Oriente por dejar morir a dos vacas y dos terneros y tener sin comer al resto del ganado
- La desesperación de una madre que ve cómo su hijo minusválido se puede quedar en la calle en Oviedo: "Sientes impotencia, he llamado a todas las puertas"
