ArcelorMittal apuesta polos fornos eléctricos, pero nun da'l pasu p'aprobar el proyeutu d'Avilés
La compañía siderúrxica caltien el so oxetivu de cero emisiones de carbonu en 2050, pero reduz a un 10% el recorte previstu pa 2030
L'acería d'Avilés.
La multinacional siderúrxica ArcelorMittal apuesta por una transición hacia les aceríes eléctriques, pero sigue ensin dar el pasu p'aprobar el proyeutu d'Avilés. La compañía publicó esti día'l so informe anual de sostenibilidá y nel so cronograma de tresformación a 2030 nun figura'l proyeutu asturianu.
"Caltenemos el nuesu oxetivu d'algamar les cero emisiones netes en 2050, magar que les realidaes de la transición enerxética demostraron ser muncho más complexes de lo que se contaba primeramente", señaló Aditya Mittal, CEO d'ArcelorMittal, qu'amestó que "les cuestiones relatives a competitividá, reindustrialización, inflación y seguridá enerxética punxéronse nel centru del alderique lo que mos llevó a revisar cómo albidramos la mengua d'emisiones col horizonte de 2030". Agora, la compañía cuenta llograr una reducción de la so intensidá d'emisiones de carbonu del 10% en 2030.
La compañía señala que la producción d'aceru con baxes emisiones de carbonu "entá nun ye competitiva en costos" y que por ello ta adoptando "un enfoque gradual" porque "en dellos mercaos y baxo dellos escenarios, los fornos d'arcu eléctricu sí representen una opción viable". ArcelorMittal destacó que la capacidá de los fornos d'arcu eléctricu yá representa'l 26% de la producción total d'aceru de la compañía en cuenta del 19% en 2018.
La compañía preve tener 3,4 millones de tonelaes adicionales de capacidá de producción d'aceru en fornos d'arcu eléctricu (EAF) en funcionamientu pa finales de 2026, lo que va alzar la capacidá total del grupu a aprosimao 27,4 millones de tonelaes. Esta capacidá provien de dos proyeutos n'España (el fornu híbridu d'arcu eléctricu de Xixón que se va poner en funcionamientu a finales de mayu o principios de xunu, y l'aumentu de la capacidá de l'acería de Sestao) y un nuevu fornu d'arcu eléctricu n'Estaos Xuníos (Calvert), que yá entró en funcionamientu y ta aumentando la so producción. A ellos axuntaría'l fornu d'arcu eléctricu anunciáu apocayá en Dunkerque (Francia) con una inversión de 1.300 millones –col que s'espera que la capacidá adicional aumente a 5,4 millones de tonelaes– y meyores nel fornu eléctricu de Belval (Luxemburgu).
Toos esos proyeutos tán incluyíos nel cronograma de tresformación d'ArcelorMittal a 2030, nel que, pel momento, nun figura'l proyeutu del fornu d'arcu eléctricu pa productos planos d'Avilés magar les midíes de protección de la industria del aceru n'Europa qu'apautó la UE.
"Lo que podemos afirmar con seguridá ye que l'aceru foi y va siguir siendo un material crucial pal nuesu mundu, anque la manera en que se fabrica, ónde se fabrica y la cantidá d'aceru que se consume sigan evolucionando", señaló Aditya Mittal.
"Cola ayuda del Gobiernu del Principáu d'Asturies"
Suscríbete para seguir leyendo
- Cada día cierra un comercio en Asturias y en una céntrica calle de Oviedo tres históricos se sumarán a la lista: 'No se gana para todos los gastos
- Caen los 'Whiteboys', la organización juvenil de ultraderecha más violenta de Asturias: hay 19 detenidos, cuatro de ellos menores
- Es invierno en mayo: está nevando en la autopista del Huerna y los termómetros caen en Asturias hasta los 4 grados bajo cero
- Doce menores se intoxican en un viaje de estudios en Asturias: fueron atendidos en el aeropuerto y trasladados al hospital
- ¿Cuáles son dos de los barrios más 'cool' de Asturias?: están en el extrarradio de Oviedo y Gijón, sus vecinos dicen que 'hay de todo', disfrutan de tranquilidad y el gancho es la vivienda asequible (hasta ahora)
- El drama de los interinos asturianos: 'Me planto con 60 años teniendo que aprobar una oposición y pudiendo irme a la calle
- El refugio de Luis Enrique en Asturias: un pueblín de costa de menos de 100 habitantes con acantilados y mucho verde
- El último censo de osos lo confirma: hay más ejemplares en la Cordillera Cantábrica y mayor conexión entre las subpoblaciones oriental y occidental
