El zarru de la térmica Aboño-1 inclúi valtar la so chimenea de más de 175 metros d'altura
L'esmantelamientu del grupu termoeléctricu de carbón va ser parcial, por que se van reutilizar instalaciones, y va allargase 40 meses
La central d'Aboño, col grupu 2 a la izquierda y el grupu 1 (cola chimenea más pequeña) a la derecha. / Ángel González
L'esmantelamientu parcial del grupu 1 de la central térmica d'Aboño inclúi valtar la so chimenea de más de 175 metros d'altura, visible dende munchos llugares de los conceyos de Xixón y Carreño.
Aboño Generaciones Eléctricas, la empresa participada por EDP y Grupu Masaveu qu'asumió la propiedá de la mayor central eléctrica asturiana, tresformó l'añu pasáu'l grupu termoeléctricu 2 de carbón en planta de gas y va cerrar l'anticuáu grupu 1. Una vegada que se llogre la pertinente autorización de zarru va entamase un plan d'esmantelamientu parcial que yá se ta tramitando.
Ello ye un esmantelamientu parcial porque nos terrenes de la central d'Aboño EDP cuenta promover proyeutos alternativos amestaos a la transición enerxética (una planta de producción d'hidróxenu verde) que podríen reutilizar parte de les instalaciones actuales. Amás, dalgunes d'eses instalaciones son d'usu compartíu col grupu 2 que sigue n'operación.
Los equipos que se van esmantelar n'Aboño-1 son los correspondientes al parque de carbones (rotopala de canxilones, edificiu de muestréu, torre de tresferencia, cintes tresportadores, silos d'escoria y ceniza...), la caldera, l'interior del edificiu de turbines, dellos tanques y depósitos, y la chimenea de más de 175 metros d'altura que corona la instalación industrial.
Personal y plazos
Tolos trabayos d'esmantelamientu van ser realizaos por empreses especializaes n'achatarramientos y valtamientos, con personal especialista na manipulación de materiales con conteníu d'amiantu. Calculase que'l númberu de persones que puedan llegar a trabayar de forma direuta nel esmantelamientu seya de 35 trabayadores, más los conductores de camiones pa la evacuación de los residuos xeneraos. El plazu d'execución de la totalidá de los trabayos calculase en 40 meses.
- Uber arranca hoy en Asturias: estas son las ciudades en las que funcionará y los precios básicos
- Cada día cierra un comercio en Asturias y en una céntrica calle de Oviedo tres históricos se sumarán a la lista: 'No se gana para todos los gastos
- Caen los 'Whiteboys', la organización juvenil de ultraderecha más violenta de Asturias: hay 19 detenidos, cuatro de ellos menores
- Es invierno en mayo: está nevando en la autopista del Huerna y los termómetros caen en Asturias hasta los 4 grados bajo cero
- Doce menores se intoxican en un viaje de estudios en Asturias: fueron atendidos en el aeropuerto y trasladados al hospital
- ¿Cuáles son dos de los barrios más 'cool' de Asturias?: están en el extrarradio de Oviedo y Gijón, sus vecinos dicen que 'hay de todo', disfrutan de tranquilidad y el gancho es la vivienda asequible (hasta ahora)
- Multa a las condenadas por el asesinato de Isabel Carrasco por salir en un documental hablando del crimen
- El drama de los interinos asturianos: 'Me planto con 60 años teniendo que aprobar una oposición y pudiendo irme a la calle
