Armón va construyir nel so astilleru de Navia dos barcos pal grupu cántabru Remolques Unidos
Gondán llogra'l premiu "Buque del añu" de l'Asociación d'Inxenieros Navales pol "Pole Star", barcu de sofitu a los faros d'Escocia
Remolcador "Trheintaycuatro", construyíu por Armón pa Remolques Reunidos. / ARMÓN
Añádenos en GoogleEl grupu Armón va construyir nel so astilleru de Navia dos barcos remolcadores pal grupu cántabru Remolques Reunidos, qu'al traviés d'empreses propies y participaes presta servicios nos puertos de Santander, Málaga y Barcelona. Nes dos últimes décades, Armón fabricó más d'una ventena de buques pa Remolques Unidos, ún de los sos principales veceros n'España.
El febreru pasáu, entró en serviciu nel puertu del Málaga'l "Trheintaycinco", l'últimu remolcador que fuera construyíu por Armón pa Remolques Reunidos y que tien una propulsión azimutal, que permite xirar el cuerpu de les hélices 360 graos pa meyorar les maniobres. Agora Armón va construyir otros dos remolcadores pal grupu cántabru.
L'encargu engorda la cartera de pidíos del grupu Armón, qu'en 2022 adquirió en Vigo les instalaciones de Hijos de J. Barreras, el mayor astilleru priváu d'España, p'axuntales a les que yá tenía en Navia, Veiga, Xixón, Burela y Vigo. Al zarru del primer trimestre del añu, Armón tenía una cartera de pidíos de 35 barcos pa veceros de Francia, Panamá, Reinu Uníu, Portugal, Suecia, Islandia y España. Hai dende barcos remolcadores a ferris, pasando por buques oceanográficos, yates de luxu o barcos de Defensa.
L'otru grupu asturianu de construcción naval, Gondán, tenía al zarru del primer trimestre una cartera d'ocho buques pa Indonesia, Noruega y Alemania. Nesti casu son patrulleres, buques d'investigación, un barcu de sofitu a parques eólicos marinos y un remolcador.
Góndán foi galardonáu col premiu "Buque del añu" de l'Asociación d'Inxenieros Navales d'España (AINE) pol "Pole Star", construyíu pa la Northern Lighthouse Board, organismu responsable de los faros y ayuda a la navegación n'Escocia ya Isla de Man. La reconocencia pon en valor l'anovación y la calidá constructiva del buque.
"Cola ayuda del Gobiernu del Principáu d'Asturies"
- Fernando Melero y Claudio, coronel del Ejército y analista de Oriente Medio: 'Si la guerra en Irán continúa, en breve tiempo sufriremos la escasez de petróleo y de gas
- Coronel Fernando Melero: 'Irán tiene lo que no tenemos en Occidente, paciencia estratégica, y está aprovechando sus capacidades híbridas para llevar ahora la iniciativa
- En las próximas horas llegará a Asturias un frente de aire polar que desplomará los termómetros: 16 grados de máxima en Oviedo
- Revuelta de docentes de Lengua por el análisis de una frase de la PAU en Asturias
- Máxima alerta en Asturias con un Peugeot 206 azul: se le relaciona con robos en viviendas en varios concejos de la región
- Las anotaciones asturianas en las libretas de Leire Díez y su trama: un 'pacto' para el derribo de las baterías de Avilés, Duro Felguera y un misterioso viaje a Cudillero
- El lote de productos asturianos que los Reyes regalaron al Papa León XIV: embutidos, quesos y conservas regados con sidra
- La Quinta del Ynfanzón abre de nuevo: un restaurante con estrella Michelin usará el palacio para eventos exclusivos
