Inetum entama un ERE de 456 empleos qu'afecta a los centros d'Asturies
La empresa qu'adquirió Informática El Corte Inglés tien 300 trabayadores na comunidá
Sede d'Inetum en Madrid / EINTEC
Añádenos en GoogleL'espediente de regulación d'empléu (ERE) qu'entama la compañía teunolóxica francesa Inetum n'España afecta a 456 trabayadores y va tener incidencia n'Asturies, onde la compañía tien alredor de 300 trabayadores repartíos ente los centros d'Uviéu y Blimea. Inetum ye l'antigua GFI, qu'en 2019 adquirió Informática El Corte Inglés.
Inetum axuntóse a otres multinacionales del sector de les teunoloxíes de la información, como ye'l casu de la tamién francesa Capgemini, a la d'axustar les sos plantíes n'España énte los cambios que se producieron nel sector (el principal d'ellos el surdimientu de la intelixencia artificial) y la fuerte competencia nel mercáu. "Yo nun falaría d'un axuste de plantía, yo falaría d'un cambiu de modelu y de capacidá operativa", señaló'l conseyeru delegáu d'Inetum Iberia & Latam, Manuel García del Valle, nun foru empresarial.
Esi cambiu de modelu supon prescindir de 456 trabayadores (el 5% aprosimao de los trabayadores) de los centros de Málaga, Sevilla, Huesca, Zaragoza, Ciudá Real, Barcelona, Tarragona, Madrid, Valencia, Alicante, La Coruña, Vizcaya, Les Palmes, Murcia, Baleares, Navarra, Cantabria, Badaxoz, Valladolid, La Rioxa y Asturies.
La mesa negociadora del ERE ta formada, na parte de representación de los trabayadores, por 13 miembros, distribuyíos de manera proporcional a la representatividá de les secciones sindicales. La selmana pasada celebró una xunta del periodu de consultes y los sindicatos señalaron que les causes que manifiesta la empresa pa xustificar el ERE "nun tienen fuerza abondo".
Los sindicatos defenden el caltenimientu d'empléu, la voluntariedá nel casu de qu'haya salíes, compensaciones y la viabilidá de tola empresa.
Nel casu d'UXT, esti sindicatu reclamó una ampliación de la documentación presentada pola empresa y una serie d'aclaraciones p'afondar nel estudiu de les causes organizatives y productives alegaes. Ente otros aspeutos, demandó más información sobre la desaceleración del crecimientu de la compañía, sobre la evolución de la masa salarial, sobre la evolución de los precios y del marxe de les ufiertes, sobre les 592 baxes voluntaries del últimu añu, sobre'l llistáu de les actividaes que se consideren improductives, sobre la relación de puestos que queden escluyíos del ERE y sobre la distribución de les 456 persones potencialmente afectaes ente centros de trabayu, categoríes, antigüedaes, rangos salariales y colectivos vulnerables.
"Cola ayuda del Gobiernu del Principáu d'Asturies"
- Coronel Fernando Melero: 'Irán tiene lo que no tenemos en Occidente, paciencia estratégica, y está aprovechando sus capacidades híbridas para llevar ahora la iniciativa
- La doble tragedia de la familia López Bada en El Chisquillo (Colunga): dos hijos fallecidos mientras hacían las tareas del campo, uno este domingo
- Fallece un hombre al caer al río Llovones, en Colunga, con una segadora
- La reapertura de la planta Chupa Chups en Villamayor como fábrica láctea generará 275 empleos
- Máxima alerta en Asturias con un Peugeot 206 azul: se le relaciona con robos en viviendas en varios concejos de la región
- El lote de productos asturianos que los Reyes regalaron al Papa León XIV: embutidos, quesos y conservas regados con sidra
- La Quinta del Ynfanzón abre de nuevo: un restaurante con estrella Michelin usará el palacio para eventos exclusivos
- Sueltan 30 urogallos en la Cordillera Cantábrica, tras invertir 5 millones de euros, y los zorros, las aves rapaces y las martas se comen 29
