Lola’i Caballero, l'aplausu a la memoria viva de les lletres asturianes y los cantares de Veigaimiedru
El zarru de la XVII Sumana de las Lletras Asturianas de Cangas rindió un emotivu homenaxe a Lola Martínez, arropada por vecinos, familiares y poles voces de les sos propies nietes: "Toi mui agradecida"
Un momentu del homenaxe, con Lola nel centru, en Veigaimiedru. / R. A. S.
Añádenos en GoogleVeigaimiedru vivió un actu cargáu d'emoción col homenaxe a Lola’i Caballero, Lola Martínez, de casa Caballero, enxaretáu nel actu de zarru de la XVII Sumana de las Lletras Asturianas. La cita axuntó al pueblu, a familiares y vecinos, que quixeron arropar a una muyer convertida en referente de la memoria oral de Cangas.
L'actu tuvo un marcáu calter sentimental. Nun foi namás un reconocimientu institucional, sinón tamién un homenaxe nacíu "del cariñu" de los que la conocen y valoren tolo que Lola caltuvo y compartió a lo llargo de la so vida. A los sos 88 años, esta canguesa puede presumir d'una memoria privilexada, "capaz de guardar incontables cantares, romances y palabres antigües aprendíes dende neña".
A lo llargo del homenaxe destacóse precisamente esa xenerosidá. Mónica Rodríguez, responsable del Serviciu de Normalización Llingüística del Conceyu de Cangas, destacó la participación de los vecinos. "Foi mui emotivu porque taben tolos vecinos arropando a una muyer como Lola".
La música foi ún de los momentos más especiales de la xornada. L'actu abrióse con un conciertu nel que participaron tamién les nietes de Lola, Rosa y Sagrario, que tocaron y cantaron n'honor a so güela. El zarru llegó con un cantar de boda con unes estrofes que fueron afayaes pa la homenaxada, convirtiendo la tradición nun xestu íntimu y colectivu.
Como alcordanza, apurrióse-y un panderu grabáu coles sos aportaciones y col so nome, Lola’i Caballero, símbolu d'una vida dedicada a caltener y compartir la palabra, el cantar y la memoria de Veigaimiedru. Ella, agradeció con poques palabres y munches sorrises: "Toi mui agradecida", dixo.
"Cola ayuda del Gobiernu del Principáu d'Asturies"
- Fernando Melero y Claudio, coronel del Ejército y analista de Oriente Medio: 'Si la guerra en Irán continúa, en breve tiempo sufriremos la escasez de petróleo y de gas
- Coronel Fernando Melero: 'Irán tiene lo que no tenemos en Occidente, paciencia estratégica, y está aprovechando sus capacidades híbridas para llevar ahora la iniciativa
- Alianza entre Alsa e Indra para gestionar la red de autobuses del megaproyecto turístico de Qiddiyah, en Arabia Saudí
- En las próximas horas llegará a Asturias un frente de aire polar que desplomará los termómetros: 16 grados de máxima en Oviedo
- Revuelta de docentes de Lengua por el análisis de una frase de la PAU en Asturias
- Cazado un conductor a 217 km/h en un tramo de 120 en Cangas del Narcea: la Guardia Civil intensifica los controles contra las carreras ilegales
- Máxima alerta en Asturias con un Peugeot 206 azul: se le relaciona con robos en viviendas en varios concejos de la región
- Las anotaciones asturianas en las libretas de Leire Díez y su trama: un 'pacto' para el derribo de las baterías de Avilés, Duro Felguera y un misterioso viaje a Cudillero
