Una amuesa fotográfica d'Edward Burtynsky nel Niemeyer, prólogu de la Bienal Climática d'Avilés
El Centru Niemeyer acueye la obra del artista canadiense que se centra nel impactu humanu sobre'l territoriu y el mediu ambiente
Edward Burtynsky.
Añádenos en GoogleEl fotógrafu canadiense Edward Burtynsky, una de les figures más reconocíes de la fotografía contemporánea internacional, desembarca n'Avilés con “Agua”, la gran esposición quábrió les sos puertes el pasáu 29 de mayu, nel foyer del auditoriu Centro Niemeyer.
Ye una parte, amás, de la primer edición de la Bienal Climática: arte, industria y territoriu, iniciativa que va convertir Avilés y el so conceyu, ente xunu y setiembre, nun espaciu de reflexón artística y alderique sobre los desafíos ecolóxicos, territoriales y sociales actuales.
Les entraes -a cinco euros- pa l'amuesa de Burtynsky tán a la venta pa una amuesa que va poder visitase hasta'l próximu 13 de setiembre.
Enrica Viganò ye la encargada de coordinar una esposición qu'axunta una selección d'imaxes centraes nún de los recursos más esenciales y, al empar, más amenazaos del planeta: l'agua. Col so característicu llinguaxe visual, basáu en grandes formatos, colores intensos y espectaculares perspectives aérees, Burtynsky propón un percorríu por paisaxes fondamente alteriaos pola actividá humana.
L'amuesa recala n'escenarios repartíos pelos cinco continentes, dende'l Golfu de México depués del desastre de "Deepwater Horizon" hasta'l ríu Ganges, el Valle Imperial de California o Los Monegros. Infraestructures hidráuliques, territorios castigaos pola seca, glaciares y esplotaciones industriales conformen un relatu visual sobre l'usu y la tresformación del agua nel mundu contemporaneu.
Edward Burtynsky (1955) ye canadiense. Cuenta con obra en dellos de los grandes museos del mundu, ente ellos el MoMA, el Guggenheim, la Tate Modern o el Muséu Reina Sofía. El so trabayu, que ta centráu nel impactu humanu sobre'l territoriu y el mediu ambiente, convirtióse nuna referencia internacional pa entender la relación ente desarrollu, paisaxe y sostenibilidá.
"Cola ayuda del Gobiernu del Principáu d'Asturies"
Suscríbete para seguir leyendo
- Fernando Melero y Claudio, coronel del Ejército y analista de Oriente Medio: 'Si la guerra en Irán continúa, en breve tiempo sufriremos la escasez de petróleo y de gas
- Coronel Fernando Melero: 'Irán tiene lo que no tenemos en Occidente, paciencia estratégica, y está aprovechando sus capacidades híbridas para llevar ahora la iniciativa
- En las próximas horas llegará a Asturias un frente de aire polar que desplomará los termómetros: 16 grados de máxima en Oviedo
- Revuelta de docentes de Lengua por el análisis de una frase de la PAU en Asturias
- Máxima alerta en Asturias con un Peugeot 206 azul: se le relaciona con robos en viviendas en varios concejos de la región
- Las anotaciones asturianas en las libretas de Leire Díez y su trama: un 'pacto' para el derribo de las baterías de Avilés, Duro Felguera y un misterioso viaje a Cudillero
- El lote de productos asturianos que los Reyes regalaron al Papa León XIV: embutidos, quesos y conservas regados con sidra
- La Quinta del Ynfanzón abre de nuevo: un restaurante con estrella Michelin usará el palacio para eventos exclusivos
