La Nueche Blanca d'Avilés axunta cultura y ecoloxía con 70 propuestes pa tolos públicos
La programación cultural va desarrollase en dellos barrios y espacios emblemáticos, incluyendo talleres, esposiciones y espectáculos
D'izquierda a derecha, l'artista encargáu de la escultura qu'apaez nel cartel promocional, Manu García ; la conceyala de Cultura y Festexos, Yolanda Alonso; y la direutora de la Factoría Cultural, Anabel Barrio. / M. O.
Añádenos en GoogleLa Nueche Blanca d'Avilés llega esti añu nuna edición especial, porque coincide col entamu de la Bienal Climática'l 12 de xunu y, d'esta manera, van compartir dalgunes de les propuestes programaes. La ciudá prepárase p'acoyer más de 70 actividaes repartíes per tolos barrios, teniendo como allugamientu principal la Factoría Cultural con numberosos talleres, esposiciones, espectáculos multidisciplinares, intervenciones artístiques y conciertos.
Les actividaes tán pensaes pa tolos públicos. Anque pa delles fae falta inscripción previa llamando al teléfonu 985 548 617 por tener les places llendaes, toes son gratuites.
Magar que la Nueche Blanca ye'l 12 de xunu, la Factoría Cultural va acoyer dos talleres antemanaos. "Reinterpretación del dengue", va ser el llunes 8 y martes 9 de xunu, impartíu pol diseñador Constantino Menéndez. Per otru llau, el miércoles 10 y el mesmu vienres 12, va tener llugar "Quedar ensin verde", onde los asistentes van aprender a ellaborar dorodangos. "Nesta edición queremos recuperar tradiciones mui locales, como ye'l complementu del traxe asturianu, ya inclusive internacionales, col taller de dorodangos, unes figures de barru orixinaries de Xapón", apunta la conceyala de Cultura y Festexos, Yolanda Alonso.
La Nueche Blanca va sirvir como escaparate pa delles de les primeres actividaes de la Bienal Climática. La so programación va entamar con esposiciones urbanes, conferencies, conversaciones sobre arte, territoriu, industria y democracia, performances, proyecciones audiovisuales, talleres participativos y activaciones artístiques. Amás, la so participación va estirase hasta'l 14 de xunu.
Va haber otres actividaes espardíes per otros espacios educativos, sociales y culturales na ciudá. Entre ellos tán l'institutu Menéndez Pidal, la Casa de Cultura, el Centru Niemeyer, el Muséu d'Historia Urbana d'Avilés o el palaciu de Camposagrado. Dellos espacios privaos ya inclusive parroquies van axuntase a la iniciativa con esposiciones, conciertos, presentaciones lliteraries y visites empobinaes.
El programa completu con tolos horarios, allugamientos y descripciones detallaes puede atopase nel portal web municipal, @www.aviles.es.
"Cola ayuda del Gobiernu del Principáu d'Asturies"
- Fernando Melero y Claudio, coronel del Ejército y analista de Oriente Medio: 'Si la guerra en Irán continúa, en breve tiempo sufriremos la escasez de petróleo y de gas
- Coronel Fernando Melero: 'Irán tiene lo que no tenemos en Occidente, paciencia estratégica, y está aprovechando sus capacidades híbridas para llevar ahora la iniciativa
- En las próximas horas llegará a Asturias un frente de aire polar que desplomará los termómetros: 16 grados de máxima en Oviedo
- Revuelta de docentes de Lengua por el análisis de una frase de la PAU en Asturias
- Máxima alerta en Asturias con un Peugeot 206 azul: se le relaciona con robos en viviendas en varios concejos de la región
- Las anotaciones asturianas en las libretas de Leire Díez y su trama: un 'pacto' para el derribo de las baterías de Avilés, Duro Felguera y un misterioso viaje a Cudillero
- El lote de productos asturianos que los Reyes regalaron al Papa León XIV: embutidos, quesos y conservas regados con sidra
- La Quinta del Ynfanzón abre de nuevo: un restaurante con estrella Michelin usará el palacio para eventos exclusivos
