El negociu ente Asturies y México sumó 2.235 millones en 4 años
El 71,3% del volume xeneráu ente'l Principáu y el país americanu vien de teunoloxía ya inxeniería, asegura Asturex
Esportaciones. / EP
Añádenos en GoogleY. G.
Asturies rexistró un volume de negociu total con México de 2.235,7 millones d'euros ente 2021 y 2025. D'esa cantidá, el 71,3% (alredor de 1.600 millones) correspuende a servicios teunolóxicos y d'inxeniería avanzao, y non a esportaciones de mercancíes, según informó esti día'l Gobiernu asturianu.
Según un estudiu de la Sociedá de Promoción Esterior del Principáu (Asturex) ellaboráu coles empreses que participaron nel viaxe institucional a México de finales d'abril, les estadístiques oficiales recueyen namás les ventes de bienes físicos que pasen peles aduanes. Nesi periodu, les esportaciones oficiales de mercancíes asturianes a México algamaron los 641,9 millones d'euros. A esa cifra, según Asturex, axuntaríense 1.576 millones xeneraos por empreses d'inxeniería avanzao y 17,7 millones de compañíes de teunoloxíes de la información (TIC).
Esto implica que, por cada euru esportáu en bienes a México, Asturies xenera 2,5 euros en servicios d'inxeniería y teunolóxicos, afirmó l'organismu autonómicu.
"Por cada euru qu'Asturies esporta en bienes a México xenera 2,5 euros en servicios d'inxeniería y teunolóxicos. Eso nun se correspuende con un territoriu esportador convencional, sinón que ye un sistema esportador d'altu valor añadíu construyíu sobre décades de capacidá téunica apecuñada", señaló'l direutor xeneral de Asturex, Bruno López.
L'informe destaca que'l perfil esportador asturianu en México "supera por muncho la media española". Mientres el conxuntu del país presenta una ratio de 0,83 euros d'esportación de servicios non turísticos por cada euru en bienes (datos de 2024), Asturies algama los 2,48 euros. "Esto convierte a México nun mercáu especialmente empobináu a la esportación de conocimientu pa les empreses asturianes, con una intensidá de servicios avanzaos ya inxeniería cuasi trés vegaes perriba de la que se ve pal conxuntu d'España", esplicó López.
Anguaño, operen de forma regular como esportadores en México 55 compañíes asturianes.
"Cola ayuda del Gobiernu del Principáu d'Asturies"
- Conmoción en Pravia por la muerte Raquel Suárez, 'Tati', la joven apasionada de las motos, 'trabajadora y buena persona', que sufrió un accidente en el Motorbeach
- La familia fallecida en Palencia sufrió el accidente en el mismo punto donde murió la médica gijonesa hace un mes: 'Esa autovía parece un campo de minas
- Cascada de reclamaciones en las oposiciones docentes: desborde de suspensos y calificaciones que no alcanzan el mínimo exigido para que compute la prueba
- Llega una nueva aerolínea 'low cost' a Asturias: operará la conexión a Londres que iba a dejar Vueling en octubre y dos más
- La receta contra las faltas de ortografía de un catedrático de Lingüística: dejar las pantallas y leer más en papel
- Muere una joven de Pravia de 24 años en un accidente de moto en el recinto del Motorbeach de Vinuesa (Soria)
- Se llevan a una perra de una ganadería asturiana al creer que estaba abandonada: 'Es surrealista, está perfectamente alimentada
- Solo pedimos que se investigue, no puede ser casualidad...': habla la familia de la médico gijonesa fallecida en el mismo punto de la autovía de Palencia donde murió una familia
