El preciu final de los alimentos ta llibre de marxes "abusivos", afirma un estudiu
L'economista Manuel Hidalgo destaca la "alta eficiencia" de la cadena agroalimentaria y carga contra "los análisis simplayos que namás comparen el valor d'orixe y el que paga'l consumidor"
Cuadra d'una esplotación ganadera d'Onís. / Miki López
Añádenos en GoogleEl preciu final de los alimentos ta xustificáu polos costos reales, los riesgos asumíos y les inversiones feches en cada etapa de la cadena, según un estudiu presentáu esti día pol profesor d'Economía Manuel Hidalgo. L'informe, ellaboráu "pa superar los análisis simplayos que comparen namás el preciu n'orixe y el preciu al consumidor", refuga la esistencia xeneralizada de "marxes abusivos" o intermediarios especulativos.
El trabayu, tituláu "Análisis de la cadena de valor agroalimentaria: metodología para la comparación precisa de precios origen-destino", foi presentáu en Madrid nun actu entamáu pola patronal de los supermercaos, Asedas, y la Confederación Andaluza d'Empresarios d'Alimentación y Perfumería (CAEA). Al eventu asistió José Miguel Herrera, direutor xeneral d'Alimentación del Ministeriu d'Agricultura, Pesca y Alimentación.
Hidalgo sostien que los enfoques que nun faen otro que confrontar preciu d'orixe y preciu final xeneren vicios sistemáticos. Estos inclúin la invisibilización de los esllabones entemedios, l'amiestu equivocáu de funciones económiques estremaes, la ignorancia del factor temporal de les campañes agrícoles, la subestimación de la complexidá téunica y el cuestionamientu implícitu de la llexitimidá de los servicios ufiertaos. Según l'economista, "estes llimitaciones fomenten percepciones equivocaes y pueden derivar en soluciones populistes, mentanto qu'un análisis rigorosu demuestra que los precios respuenden a factores económicos lexítimos".
L'estudiu propón una metodoloxía basada en seis requisitos fundamentales pa cualquier análisis seriu: identificación dafechu de tolos esllabones (coles sos funciones, costos, valor añadíu y riesgos), precisión na definición de precios (considerando calidá, disponibilidá y temporalidá), validación multi-fonte de datos, representatividá estadística de les amueses y actualización sistemática con siguimientu periódicu.
La metodoloxía estrema cuatro niveles comerciales nidios: orixe (producción primaria), tresformación (manipulación y procesáu), mayorista (plataformes, distribución y loxística) y minorista (venta al consumidor). D'esti xeitu, reconozse la "complexidá real" de les cadenes agroalimentarias españoles.
L'informe aplica esti enfoque a cinco cadenes concretes: aceite d'oliva, lleche, pollu, llimón y pataca. En caúna detállase'l valor añadíu que da cada esllabón y los costos específicos qu'aguanta, enseñando cómo se constrúi'l preciu final.
Ensin especulación
Ente les conclusiones del documentu rescampla "l'alta eficiencia alcanzada pola cadena agroalimentaria española depués de décades d'anovación teunolóxica y optimización de procesos". Amás, les variaciones de precios ente campañes "atribúyense principalmente a factores como les condiciones climátiques o la disponibilidá de variedaes, y non a práutiques especulatives".
Manuel Hidalgo ye llicenciáu en Ciencies Económiques pola Universidá de Sevilla y doctor pola Universidá Pompeu Fabra. Foi Secretariu Xeneral d'Economía de la Xunta d'Andalucía (2019-2020) y direutor de l'Axencia Andaluza de la Competencia y de la Regulación Económica (2020).
"Cola ayuda del Gobiernu del Principáu d'Asturies"
- Emergencias insta a la población asturiana a no ducharse y a cerrar puertas y ventanas mientras dure la tormenta
- La carrera que bate récord en la Universidad de Oviedo y desbanca a Medicina: las primeras notas de corte y listas de admitidos
- Conmoción en Pravia por la muerte Raquel Suárez, 'Tati', la joven apasionada de las motos, 'trabajadora y buena persona', que sufrió un accidente en el Motorbeach
- La familia fallecida en Palencia sufrió el accidente en el mismo punto donde murió la médica gijonesa hace un mes: 'Esa autovía parece un campo de minas
- Cae la mundial en Asturias: una espectacular tormenta barre de punta a punta la región con lluvias muy fuertes, 1.200 rayos en una hora y truenos que parecieron explosiones
- Mañana caerá el gran chaparrón del verano: a partir de las dos de la tarde toda Asturias estará en alerta por fuertes chubascos y tormentas con granizo
- La receta contra las faltas de ortografía de un catedrático de Lingüística: dejar las pantallas y leer más en papel
- Muere una joven de Pravia de 24 años en un accidente de moto en el recinto del Motorbeach de Vinuesa (Soria)
