L'uvieín Iyán Castaño Molleda lleva'l premiu "Nicanor Piñole" de pintura de Samartín del Rei Aurelio
La obra ganadora interpreta les güelgues y relieves que la mar dexa na marina asturiana
L'alcalde de Samartín del Rei Aurelio, José Ramón Martín Ardines, y la conceyala de Cultura, Cintia Ordóñez, contemplen la obra ganadora del concursu de pintura Nicanor Piñole.
Añádenos en GoogleL'artista uvieín Iyán Castaño Molleda llevó'l premiu Nicanor Piñole nel XXVII Certame Nacional de Pintura de Samartín del Rei Aurelio, con una cartografía marina qu'interpreta les güelgues y relieves depositaos pel mar sobre la marina asturiana. "Un lirio en el fondo", títulu que da nome a la obra, puede contemplase na Casa de la Xuventú hasta'l 19 de xunu, nuna esposición que recueye otres doce obres finalistes escoyíes d'ente un total de 109 presentaes a concursu procedentes de toles comunidaes autónomes.
Grafismu esperimental
Iyán Castaño Molleda ye un artista mozu, graduáu en Belles Artes pola Universidá del País Vascu, que nes sos obres “apuesta pol grafismu esperimental, fundiendo'l grabáu cola pintura”, alredor de temátiques que van dende “lo efímero y lo eterno, a lo descomanao, y la guapura indomable de la naturaleza”.
Dende 2023 collechó dellos reconocimientos como'l Premiu Asturies Xoven d'Artes Plástiques, el Premiu al Meyor Artista Emerxente d'ArtMadrid 2026 o la Mención d'Honor nel Certame d'Arte de L.luarca. Amás, en 2024 foi escoyíu ente los pintores finalistes del Piñole.
El xuráu del certame, compuestu por Juan Fernández Álava, Natalia Alonso Arduengo y Pablo Rodríguez Fernández de la Vega, decidió premiar ‘Un lirio en el fondo’ d'ente les más de cien obres presentaes, con una dotación de 1.500 euros. Destaquen del cuadru “la poética visual d'un llinguaxe qu'usa los mínimos ingredientes téunicos pa llograr la máxima espresividá”, lo mesmo que “la evocación del tránsitu de la esistencia”, según describen.
Esposición
La esposición completa coles obres escoyíes del Piñole puede visitase na Casa de la Xuventú, de llunes a vienres, de 10.00 a 13.00 hores y de 17.00 a 21.00 hores, hasta'l 19 de xunu.
Nel mesmu edificiu espónense los dibuxos de la categoría escolar del certame de pintura que fueron escoyíos nesta edición, un total de 28 creaciones presentaes por escolinos de los colexos municipales, dende infantil hasta secundaria.
La entrega de premios va tener llugar el miércoles día 17 de xunu a les seis de la tarde, nel Aula Cultural “Onofre Rojo”, en Sotrondio, presidida pol alcalde, José Ramón Martín Ardines, y la conceyala de Cultura, Cintia Ordóñez, qu'esti día visitaron entrambes dos esposiciones.
"Cola ayuda del Gobiernu del Principáu d'Asturies"
- Tragedia en el rally de Carreño: fallece un fotógrafo atropellado por un coche, que salió volando de un cambio de rasante
- Hallan el cadáver de una joven en una playa de Candás: está en avanzado estado de descomposición
- Cascada de reclamaciones en las oposiciones docentes: desborde de suspensos y calificaciones que no alcanzan el mínimo exigido para que compute la prueba
- Llega una nueva aerolínea 'low cost' a Asturias: operará la conexión a Londres que iba a dejar Vueling en octubre y dos más
- La receta contra las faltas de ortografía de un catedrático de Lingüística: dejar las pantallas y leer más en papel
- Indra, cansada de esperar por Barros, hará una fábrica de blindados en Galicia
- Noche tropical en Asturias antes de llegar a la cresta de la ola de calor: la AEMET activa una alerta especial hasta las 21.00 horas del lunes
- Educación atribuye el elevado número de suspensos en las oposiciones de maestro a "faltas de ortografía y de sintaxis" y a "fallos de compresión lectora"
