ArcelorMittal retrasa a finales d'añu l'entamu de la producción na acería eléctrica de Xixón
La multinacional cuenta agora con que les obres del fornu híbridu de Xixón concluyan "esti branu" y que nos próximos meses se prepare l'arranque
Obres del fornu eléctricu de l'acería de Xixón. / Ángel González
Añádenos en GoogleEl fornu híbridu d'arcu eléctricu d'ArcelorMittal en Xixón, una de les pieces claves del plan de descarbonización de la compañía n'Asturies, va empezar a producir aceru "a finales d'añu". Les obres, que contaben tar remataes primeramente pal primer trismestre d'esti añu, entá nun se completaron. Fontes de la compañía señalaron qu'agora se preve que concluyan "esti branu". Depués, va facer falta un periodu d'arranque que va durar dellos meses.
La multinacional siderúrxica espera una recuperación del mercáu européu del aceru nel segundu semestre d'esti añu coles midíes aprobaes pola UE. El mecanismu d'axuste en frontera por carbonu (CBAM, poles sos sigles n'inglés) xunto col recorte nun 47% de la cuota d'importaciones d'aceru llibre d'aranceles y la imposición d'un gravame del 50% pal restu, con una entrada en vigor que se cuenta facer el 1 de xunetu, "reaxusta estructuralmente les perspeutives de la industria siderúrxica europea", señalaron fontes d'ArcelorMittal, que destacaron que la mengua de les importaciones va favorecer un aumentu de los índices d'usu de les sos capacidaes de producción d'aceru. Asina, la multinacional ta poniendo echando a andar los fornos altos paraos (como'l de Fos en Francia y el Dabrowa en Polonia) y cuenta incrementar la so capacidá de producción cola puesta en marcha del nuevu fornu d'arcu eléctricu de Xixón y l'ampliación del fornu eléctricu de Sestao.
Sicasí, l'aportación del fornu eléctricu de Xixón, que va tener una capacidá de producción de 1,1 millones de tonelaes d'aceru anuales, nun va llegar hasta finales d'añu. ArcelorMittal acaba de publicar el so "Fact book" (llibru de datos) correspondiente a 2026 y nél, nel apartáu dedicáu a España, destácase que "un finxu na estratexa de descarbonización d'ArcelorMittal ye la construcción d'un nuevu fornu d'arcu eléctricu (EAF) na so planta de Xixón". Nel documentu señálase que "s'espera que la planta, con una inversión de 213 millones d'euros, empiece a producir a finales d'esti añu".
Fontes de la compañía precisaron que la nueva estimación del fin de les obres del fornu "ye esti branu" pa "empezar depués la curva d'arranque habitual, colo que realmente va empezar a producir a finales d'añu".
La transición de la producción n'altu fornu a un procesu EAF qu'utiliza chatarra y fierro de reducción directa va menguar les emisiones de CO2 en más del 35% na fase inicial y, una vegada puestu a funcionar dafechu, l'aforru d'emisiones podría algamar hasta un millón de tonelaes de CO2 equivalente al añu.
L'acería de Sestao
Los llabores d'arranque de l'acería eléctrica de Xixón –dedicada a productos llargos como alambrón y carril– va facese al empar de los llabores d'ampliación de la capacidá de l'acería de Sestao, en Vizcaya –dedicada a productos planos–. El "Fact book 2026" de la compañía apunta que "en Sestao, anguaño tamos ampliando la capacidá de producción d'aceru plano recicláu y anovable XCarb hasta 1,6 millones de tonelaes pa finales de 2026. Una posición ventaxosa, por que bien pocos productores n'Europa son quien a producir aceru con baxes emisiones de carbonu per aciu del procesu EAF na actualidá".
"Cola ayuda del Gobiernu del Principáu d'Asturies"
- La familia fallecida en Palencia sufrió el accidente en el mismo punto donde murió la médica gijonesa hace un mes: 'Esa autovía parece un campo de minas
- Cascada de reclamaciones en las oposiciones docentes: desborde de suspensos y calificaciones que no alcanzan el mínimo exigido para que compute la prueba
- Tragedia en el rally de Carreño: fallece un fotógrafo atropellado por un coche, que salió volando de un cambio de rasante
- Llega una nueva aerolínea 'low cost' a Asturias: operará la conexión a Londres que iba a dejar Vueling en octubre y dos más
- La receta contra las faltas de ortografía de un catedrático de Lingüística: dejar las pantallas y leer más en papel
- Muere una joven de Pravia de 24 años en un accidente de moto en el recinto del Motorbeach de Vinuesa (Soria)
- Noche tropical en Asturias antes de llegar a la cresta de la ola de calor: la AEMET activa una alerta especial hasta las 21.00 horas del lunes
- Educación atribuye el elevado número de suspensos en las oposiciones de maestro a "faltas de ortografía y de sintaxis" y a "fallos de compresión lectora"
