Traducir conversaciones en tiempu real, grabar o "recuperar" l'audición: les gafes intelixentes que yá llegaron a Asturies
La empresa asturiana Óptica Quesada introduz nel mercáu dispositivos ópticos y audiolóxicos con intelixencia artificial, disponibles dende 350 euros
VÍDEU: Amor Domínguez/ FOTO: Fernando Rodríguez
Añádenos en GoogleL'anovación nel sector ópticu y audiolóxicu da un pasu más n'Asturies cola llegada de nueves gafes intelixentes capaces de meyorar l'audición y ufiertar funciones avanzaes d'intelixencia artificial. Asina lo anunció esti día Eduardo Quesada, representante de la tercer xeneración d'Óptica Quesada, a lo llargo del actu de presentación.
Ente los productos destacaos atópense les gafes "Nuance", diseñaes pa persones con perda auditiva leve o moderada. Estes gafes integren micrófonos frontales y llaterales que permiten meyorar la calidá del soníu.
"Ye una solución bien discreta y los sos micrófonos permiten escuchar con claridá, inclusive nun ambiente ruidosu", esplicó Quesada. Per otru llau, tamién se dieron a conocer les gafes Meta, "ún de los dispositivos más avanzaos del mercáu", tal que sorrayaron na presentación, que tuvo la presencia del periodista Jesús Álvarez; el responsable de la zona norte de Meta, Pablo Costa; la responsable de la compañía Essilor, Laura de Iñigo, y el responsable de la zona norte de Nuance Audio, Sergio Aparicio.
Pela izquierda, Pablo Costa, Laura de Íñigo, Jesús Álvarez, Eduardo Quesada y Sergio Aparicio. / Fernando Rodríguez / LNE
"Les gafes de Meta tienen cámara de vídeu, faen semeyes y son capaces de traducir, lleer una carta o describir lo que tas viendo", esplicó Quesada. Nesti sentíu, Jesús Álvarez sorrayó que "la teunoloxía siempre va per delantre de nós". "Yo creo qu'estes meyores son bones pa toos", afirmó.
Quesada tamién destacó la importancia de qu'estes anovaciones lleguen a Asturies al traviés d'un referente internacional. "Venimos de la mano d'Essilor, que ye'l líder mundial n'óptica y en audioloxía, que ye'l fabricante de toos estos productos. Da muncha seguridá venir del líder y sabemos que ye un pasu alantre importante", esplicó.
Dambos productos yá tán disponibles nel mercáu y el so preciu ronda dende los 350 euros, nel casu de les Ray-Ban Meta, hasta los 750/800 euros pa les gafes auditives.
Al respeutive del perfil d'usuariu, les gafes Meta tienen un enfoque ampliu, mentanto que les Nuance empobínense más a un públicu senior. "Sobre manera les Meta son unes gafes que son útiles pa tol mundu, por exemplu, a la de viaxar y que te traduzan una conversación", pesacanció Quesada.
"Cola ayuda del Gobiernu del Principáu d'Asturies"
- Tragedia en el rally de Carreño: fallece un fotógrafo atropellado por un coche, que salió volando de un cambio de rasante
- Hallan el cadáver de una joven en una playa de Candás: está en avanzado estado de descomposición
- Cascada de reclamaciones en las oposiciones docentes: desborde de suspensos y calificaciones que no alcanzan el mínimo exigido para que compute la prueba
- Llega una nueva aerolínea 'low cost' a Asturias: operará la conexión a Londres que iba a dejar Vueling en octubre y dos más
- La receta contra las faltas de ortografía de un catedrático de Lingüística: dejar las pantallas y leer más en papel
- Indra, cansada de esperar por Barros, hará una fábrica de blindados en Galicia
- Noche tropical en Asturias antes de llegar a la cresta de la ola de calor: la AEMET activa una alerta especial hasta las 21.00 horas del lunes
- Educación atribuye el elevado número de suspensos en las oposiciones de maestro a "faltas de ortografía y de sintaxis" y a "fallos de compresión lectora"
