Pasu decisivu na tramitación de la dependencia: los téunicos van poder consultar la historia clínica de los solicitantes
Los interesaos tendrán de dar el consentimientu previu, la información disponible va ser puramente la necesaria y los trabayadores tendrán de firmar un compromisu de confidencialidá
Tramitación de la dependencia. / US / Europa Press
Añádenos en GooglePasu decisivu na tramitación de la dependencia. El personal sanitariu encargáu de valorar a les persones solicitantes va poder consultar direutamente la so historia clínica siempre que llogren la so autorización previa. Esta midida, alcordada ente les conseyeríes de Derechos Sociales y de Salú, va permitir “entainar el procesu, menguar los tiempos d'espera y esaniciar cargues alministratives innecesaries pa la ciudadanía”.
Hasta agora, yeren les families mesmes les que teníen de solicitar, recoyer y apurrir un informe clínicu xunto cola solicitú, mientres que con esti nuevu modelu va ser l'Alministración la que, col consentimientu espresu de la persona interesada, aporte direutamente a esa información, lo que simplifica'l procedimientu.
El cambiu supon una meyora importante y significativa, más entá teniendo en cuenta los plazos actuales na tramitación de la dependencia. Depués la implantación de la historia social única'l branu pasáu, el sistema sufrió un “colapsu” xeneralizáu que torgó a los funcionarios realizar apenes tramitaciones, lo que punxo inda güei'l tiempu mediu d'espera en cerca de 400 díes.
D'esti xeitu, el Principáu esanicia un pasu que “retrasaba” la tramitación. Al empar, facilítase al personal téunico disponer d'información clínica completa y actualizao dende'l primer momentu, “lo que va meyorar la calidá de les evaluaciones y va contribuyir a una resolución más axilosa de los espedientes”.
L'alcuerdu, suscritu col Serviciu de Salú del Principáu d'Asturies (Sespa), incorpora un estrictu marcu de garantíes pa protexer la confidencialidá de la información sanitaria. L'accesu a la historia clínica va producise namás con autorización espresa por escritu de la persona solicitante, que va poder retirala en cualquier momentu.
Con esta restricción, el Sespa caltien en tou momentu'l control sobre la historia clínica, llendando l'accesu namás a los datos que faigan falta pa valorar la dependencia. Amás, solo'l personal qu'intervenga nel espediente de tramitación va poder consultar la información; los accesos van quedar rexistraos y van ser auditables; y el personal autorizáu tendrá de firmar un compromisu de confidencialidá que va siguir vixente inclusive depués del cese nes sos funciones.
“La interoperabilidá cola historia clínica constitúi una ferramienta fundamental pa simplificar procedimientos y ganar eficacia”, defenden nel Principáu. La midida enxaretase nel “Plan Agiliza”, y a ella axúntase la incorporación de 41 persones al Serviciu d'Atención a la Dependencia, que va requerir una inversión d'un millón d'euros.
"Cola ayuda del Gobiernu del Principáu d'Asturies"
- Tragedia en el rally de Carreño: fallece un fotógrafo atropellado por un coche, que salió volando de un cambio de rasante
- Hallan el cadáver de una joven en una playa de Candás: está en avanzado estado de descomposición
- Cascada de reclamaciones en las oposiciones docentes: desborde de suspensos y calificaciones que no alcanzan el mínimo exigido para que compute la prueba
- Llega una nueva aerolínea 'low cost' a Asturias: operará la conexión a Londres que iba a dejar Vueling en octubre y dos más
- La receta contra las faltas de ortografía de un catedrático de Lingüística: dejar las pantallas y leer más en papel
- Indra, cansada de esperar por Barros, hará una fábrica de blindados en Galicia
- Noche tropical en Asturias antes de llegar a la cresta de la ola de calor: la AEMET activa una alerta especial hasta las 21.00 horas del lunes
- Educación atribuye el elevado número de suspensos en las oposiciones de maestro a "faltas de ortografía y de sintaxis" y a "fallos de compresión lectora"
