Asturies sofita a los conceyos costeros con un millón d'euros pa la llimpieza de los sos arenales
Les entidaes locales van poder formalizar la solicitú hasta'l 13 de xunetu
Van atendese como criterios pa la concesión de l'ayuda la superficie de les sableres y los costos asumíos polos consistorios
Vista de Los Quebrantos y Bayas dende'l mirador del Espíritu Santu. / Uniovi
Añádenos en GoogleLa Conseyería de Movilidá, Mediu Ambiente y Xestión d'Emerxencies sofita con un millón d'euros a los conceyos costeros na llimpieza y caltenimientu de les sos sableres. El Boletín Oficial del Principáu publicó va unos díes esta convocatoria, con un plazu pa presentar solicitúes que remata'l 13 de xunetu.
Les subvenciones van permitir sufragar la retirada de residuos entrullaos nos arenales por mor de la dinámica costera y de los episodios meteorolóxicos adversos, incluyíos tueros, cañes, algues y otros materiales procedentes de riaes y temporales. Tamién van poder financiase les actuaciones destinaes a la recoyida de residuos xeneraos pol so usu recreativu, como envases, testiles y pequeños plásticos, lo mesmo que los costos del so tresporte y tratamientu.
La convocatoria d'esti añu tien nueves bases reguladores que venceyen la concesión de les ayudes a criterios oxetivos rellacionaos coles carauterístiques de cada conceyu, como son la superficie de les playes y los costos asumíos polos conceyos. Ente los nuevos criterios que se combinen tán la superficie real de les sableres a les que-yos fae falta llimpieza, la capacidá económica municipal pa evitar que los conceyos con menores recursos se vean penalizaos y el costu real presupuestáu de los trabayos de llimpieza.
Estes subvenciones, espliquen dende'l Gobiernu, refuercen el sofitu a les alministraciones locales nel exerciciu de les sos competencies en materia de llimpieza y xestión de residuos; la protección de la costa y la meyora de la calidá ambiental de les playes, y na prestación de servicios esenciales pa la ciudadanía y la protección del mediu ambiente.
Va ser subvencionable hasta un 90% del gastu nel casu d'entidaes locales con una población de derechu menor de 5.000 habitantes; hasta un 80% nel casu d'entidaes locales con una población de derechu qu'ande ente los 5.000 y 20.000 habitantes mentanto que l'ayuda va algamar hasta un 70 % del gastu nel casu d'entidaes locales con una población de derechu d'ente 20.001 y 50.000 habitantes. Va ser del 50% pa entidaes locales con una población de más de 50.000 habitantes.
A efectos de l'aplicación d'esta convocatoria, pa determinar les poblaciones de derechu garraránse les cifres oficiales resultantes del últimu censu anual de población publicáu pol Institutu Nacional d'Estadística (INE) na fecha en que se dio a conocer la resolución d'esta convocatoria.
"Cola ayuda del Gobiernu del Principáu d'Asturies"
- La carrera que bate récord en la Universidad de Oviedo y desbanca a Medicina: las primeras notas de corte y listas de admitidos
- Conmoción en Pravia por la muerte Raquel Suárez, 'Tati', la joven apasionada de las motos, 'trabajadora y buena persona', que sufrió un accidente en el Motorbeach
- La familia fallecida en Palencia sufrió el accidente en el mismo punto donde murió la médica gijonesa hace un mes: 'Esa autovía parece un campo de minas
- Mañana caerá el gran chaparrón del verano: a partir de las dos de la tarde toda Asturias estará en alerta por fuertes chubascos y tormentas con granizo
- La receta contra las faltas de ortografía de un catedrático de Lingüística: dejar las pantallas y leer más en papel
- Muere una joven de Pravia de 24 años en un accidente de moto en el recinto del Motorbeach de Vinuesa (Soria)
- Se llevan a una perra de una ganadería asturiana al creer que estaba abandonada: 'Es surrealista, está perfectamente alimentada
- Solo pedimos que se investigue, no puede ser casualidad...': habla la familia de la médico gijonesa fallecida en el mismo punto de la autovía de Palencia donde murió una familia
