L'Acuariu de Xixón refuerza'l so compromisu de protección coles viesques tropicales
El centru busca concienciar sobre estos espacios qu'acueyen el 80% de la diversidá terrestre y tán en constante amenaza
Axolotes en BIOPARC Acuariu de Xixón. / Acuario
Añádenos en GoogleCon motivu del Día Mundial de les Viesques Tropicales, el Bioparc Acuariu de Xixón, en plenes celebraciones pol so 20u aniversariu, reforzó'l so compromisu con estos ecosistemes que, anguaño, caltienen un gran valor a nivel d'especies, pero tán en grave peligru d'estinción al tar altamente amenazaos.
Dende'l centru de Poniente reclamen una mayor educación, divulgación y preservación d'estos espacios que representen el llar d'alredor del 80% de la biodiversidá terrestre, acueyen a más de la metá de les especies animales y vexetales conocíes y, amás, millones de persones y numberoses comunidaes indíxenes dependen direutamente d'ellos pa la so alimentación, salú y medios de vida.
"Sicasí , magar la so estraordinaria importancia pa la regulación del clima y el caltenimientu de la diversidá biolóxica, siguen siendo ún de los ecosistemes más amenazaos pola deforestación, la perda d'hábitat y el cambiu climáticu", apunten dende l'Acuariu que se xunió a los parques d'animales de Valencia y Fuengirola pa solicitar una mayor atención.
"Goriles, orangutanes, chimpancés, lémures, numberoses aves, peces, anfibios y reptiles como los que pueden almirase nos BIOPARC xunto a cientos d'especies, enfréntense a una presión creciente por cuenta de la destrucción y fragmentación de les sos hábitats naturales. La desapaición d'estos ecosistemes nun afecta namás a la fauna y flora qu'acueyen, sinón tamién al equilibriu ambiental global", amesten nel so comunicáu, señalando qu'en sitios como l'Acuariu, los visitantes pueden "contemplar so les máximes atenciones y bienestar a les especies más representatives y afayar delles desconocíes ye una esperiencia única capaz d'emocionar, espertar la empatía y promover el cambiu d'actitú que fai falta".
Nel casu del Acuariu de Xixón, el llabor de preservación y sensibilización céntrase especialmente na biodiversidá acuática. Cola incorporación de recién de la so esposición permanente "Microclimes", que pon el focu en dellos de los grupos faunísticos más sensibles a la degradación de los hábitats y al cambiu climáticu.
"Estes actuaciones contribúin a la protección d'especies amenazaes, la recuperación d'ecosistemes y el sofitu a comunidaes locales, reforzando la idea de que'l caltenimientu requier una acción coordinada a escala global", declaren.
"Cola ayuda del Gobiernu del Principáu d'Asturies"
- Tragedia en el rally de Carreño: fallece un fotógrafo atropellado por un coche, que salió volando de un cambio de rasante
- Hallan el cadáver de una joven en una playa de Candás: está en avanzado estado de descomposición
- Cascada de reclamaciones en las oposiciones docentes: desborde de suspensos y calificaciones que no alcanzan el mínimo exigido para que compute la prueba
- Llega una nueva aerolínea 'low cost' a Asturias: operará la conexión a Londres que iba a dejar Vueling en octubre y dos más
- La receta contra las faltas de ortografía de un catedrático de Lingüística: dejar las pantallas y leer más en papel
- Indra, cansada de esperar por Barros, hará una fábrica de blindados en Galicia
- Noche tropical en Asturias antes de llegar a la cresta de la ola de calor: la AEMET activa una alerta especial hasta las 21.00 horas del lunes
- Educación atribuye el elevado número de suspensos en las oposiciones de maestro a "faltas de ortografía y de sintaxis" y a "fallos de compresión lectora"
