Tríu de galeríes asturianes na 34.ª edición de la feria internacional ArteSantander
Aurora Vigil-Escalera, Llamazares y Caicoya alleguen al certame, que se presenta nuna versión anovada y al qu'aporten más de 40 espositores y un centenar d'artistes de dellos países
"Rosaleda grande", de Nicholas Callaway. / 5
Añádenos en GoogleTrés galeríes asturianes allegaron esti añu a ArteSantander, la feria braniega d'arte contemporáneo de Cantabria, que se celebra esti fin de selmana nel Palacio de Exposiciones y Congresos del Sardinero. Esta edición, la n.u 34, presentóse como una versión anovada. Ye la tercer edición empobinada pola comisaria y productora cultural Mónica Álvarez Careaga y a ella aporten más de 40 galeríes nacionales ya internacionales, de países como Italia, Portugal, Alemania, Macedonia del Norte y México. Nueve participen nella per primer vegada. La feria axunta obra d'un centenar d'artistes.
Aurora Vigil-Escalera, qu'esti añu celebra'l so 40.u aniversariu, allegó a la feria santanderina con obres del madrilanu Francisco Mayor Maestre, axuntaes na esposición “Memorias en expansión”. Tamién dende Xixón, Llamazares Galería, fundada en 2005 por Gema Llamazares y xestionada pola so fía, Diana Llamazares, dende 2021, viaxó a ArteSantander con obres de Guillermo Peñalver y Raquel Lobo. El catalán Guillermo Peñalver presenta “El corredor curioso”, un proyeutu autobiográficu surdíu de la esperiencia de caminar y correr pelos marxes urbanos, con dibuxos y colaxs. La llanisca Raquel Lobo presenta obres de les sos series “Lemuria” y “Debajo de todo”, dambes conectaes pola esploración de lo soterraño como espaciu simbólicu al traviés del grabáu, el testil y la escultura.
La uvieína Galería Caicoya, que tien el so orixe na galería Nogal qu'en 1969 fundó Elías Caicoya Masaveu y qu'agora xestiona Guillermina Caicoya, presenta n'ArteSantander obres de Nicholas Callaway. La so esposición, “La caída de Constantinopla”, con aquel acontecimientu históricu como filu argumental, pescancia nuna gran estremadura de formatos, de la estampación al llibru d'artista, la pintura y la madera.
Ente los artistes nacionales con obra n'ArteSantander destaquen Mario Manso, Pablo Quesada, Alba Dorta, Cristina Regalado Ramos, Carmen Ceniga Prado, Quique Zarzamora, Sara Piñeiro, Eduard Gil Alsina, Amaya Suberviola, Carlos Cañadas y la llanisca Raquel Lobo. Angela Burson, Simón Quadrat, Cristóbal Ochoa, Fausto Amundarain, Janus Hochgesand, Letizia Scarpello, Manuel Portioli y Barry Wolfryd encabecen la nómina d'artistes internacionales.
L'arxentina Nicola Costantino ye la invitada especial d'esta edición d'ArteSantander. Costantino ta considerada una de les creadores llatinoamericanes más relevantes de la so xeneración y nel añu 2013 representó a Arxentina na Bienal de Venecia.
"Cola ayuda del Gobiernu del Principáu d'Asturies"
- Tragedia en el rally de Carreño: fallece un fotógrafo atropellado por un coche, que salió volando de un cambio de rasante
- Hallan el cadáver de una joven en una playa de Candás: está en avanzado estado de descomposición
- Cascada de reclamaciones en las oposiciones docentes: desborde de suspensos y calificaciones que no alcanzan el mínimo exigido para que compute la prueba
- Llega una nueva aerolínea 'low cost' a Asturias: operará la conexión a Londres que iba a dejar Vueling en octubre y dos más
- La receta contra las faltas de ortografía de un catedrático de Lingüística: dejar las pantallas y leer más en papel
- Indra, cansada de esperar por Barros, hará una fábrica de blindados en Galicia
- Noche tropical en Asturias antes de llegar a la cresta de la ola de calor: la AEMET activa una alerta especial hasta las 21.00 horas del lunes
- Educación atribuye el elevado número de suspensos en las oposiciones de maestro a "faltas de ortografía y de sintaxis" y a "fallos de compresión lectora"
