El turismu cultural, la salida pa carreteres nacionales que quedaron ensin tráficu depués de la construcción d'autopistes y autovíes
La Universidá d'Uviéu axunta a especialistes nacionales ya internacionales p'analizar el caltenimientu, reutilización y puesta en valor d'infraestructures viaries que perdieron la so función orixinal
"El retu que tenemos como sociedá ye'l de qué facer coles infraestructures esfarrapaes que yá nun tienen tanto tráficu y que se van deteriorando", asegura'l profesor Pedro Plasencia
Un momentu de l'apertura de les xornaes. / U. O.
Añádenos en Google¿Qué facer coles carreteres que quedaron arrequexaes depués de la construcción d'autovíes y autopistes? Esa ye la entruga sobre la que se trabayó nes xornaes "Carreteres hestóriques y patrimoniu viariu: caltenimientu, reutilización y espardimientu", qu'axuntaron nel edificiu históricu de la Universidá d'Uviéu a investigadores, alministraciones y profesionales del sector.
"Tenemos el retu, como sociedá, de decidir qué facer coles infraestructures arrequexaes que yá nun tienen tantu tráficu y que se van esfarrapando", esplicó na inauguración Pedro Plasencia, profesor d'Inxeniería del Tresporte y Planificación de la Universidá d'Uviéu y direutor del seminariu. Al so xuiciu, munches d'estes carreteres pueden tener "una segunda vida" gracies a el so valor históricu, paisaxísticu y turísticu.
Plasencia destacó que l'oxetivu del alcuentru ye compartir esperiencies ente la universidá, les alministraciones públiques y les empreses pa entamala con un problema que, en realidá , "tamién ye una oportunidá" pa revitalizar el territoriu.
El seminariu forma parte d'un proyeutu nacional d'investigación qu'a lo llargo de los próximos trés años va estudiar la recuperación d'antigües víes de tresporte y los sos paisaxes en zones que perdieron actividá económica. N'Asturies, los investigadores yá empezaron a alcontrar carreteres nacionales con un tráficu que cayó d'un xeitu bultable depués de l'apertura d'autovíes paraleles, como pasa con dellos tramos de la N-630. "Son infraestructures qu'inda tienen potencial enforma pa desarrollar iniciatives venceyaes al turismu cultural y al disfrute del paisaxe", señaló Plasencia.
Esperiencies fuera d'España
Les xornaes sirvieron tamién pa conocer esperiencies desarrollaes fuera d'España. Noruega ya Irlanda van enseñar programes de recuperación de carreteres históriques que convirtieron antigües víes n'atractivos turísticos por aciu de la creación de miradores, intervenciones arquiteutóniques y actuaciones d'integración paisaxística, col doble oxetivu d'atraer visitantes y meyorar la calidá de vida de la población local.
"Cola ayuda del Gobiernu del Principáu d'Asturies"
- Tragedia en el rally de Carreño: fallece un fotógrafo atropellado por un coche, que salió volando de un cambio de rasante
- Hallan el cadáver de una joven en una playa de Candás: está en avanzado estado de descomposición
- Cascada de reclamaciones en las oposiciones docentes: desborde de suspensos y calificaciones que no alcanzan el mínimo exigido para que compute la prueba
- Llega una nueva aerolínea 'low cost' a Asturias: operará la conexión a Londres que iba a dejar Vueling en octubre y dos más
- La receta contra las faltas de ortografía de un catedrático de Lingüística: dejar las pantallas y leer más en papel
- Indra, cansada de esperar por Barros, hará una fábrica de blindados en Galicia
- Varapalo judicial al Principado por dar obra a la empresa pública Tragsa sin control
- Noche tropical en Asturias antes de llegar a la cresta de la ola de calor: la AEMET activa una alerta especial hasta las 21.00 horas del lunes
