Naz un nuevu galardón pa evitar l'abandonu: l'asociación Vecinal Pico Castro crea los reconocimientos "Xente da Terra" col fin d'homenaxar a los mayores d'Eilao
"Queremos reconocer a los nuesos vecinos pa que les xeneraciones vinientes recuerden d'ónde proceden los sos raigaños", espliquen dende'l colectivu
Vista aérea de Buyaso, onde tien la sede'l colectivu promotor de los galardones. / LNE
Añádenos en GoogleL'asociación vecinal Pico Castro d'Eilao, con sede nel pueblu de Buyaso, anunció la creación de los reconocimientos "Xente da Terra", una iniciativa cola que pretende rindir homenaxe a les persones mayores xubilaes venceyaes al conceyu y caltener la memoria de quien, "col so trabayu, esfuerzu y sacrificiu", contribuyeron a caltener vivos los sos pueblos.
"Queremos reconocer a los nuesos mayores pa que les xeneraciones vinientes recuerden d'ónde proceden los sos raigaños", espliquen dende'l colectivu.
Trés modalidaes
La iniciativa contempla trés modalidaes: "Paisano Xente da Terra", "Paisana Xente da Terra" y "Paisano o Paisana Xente da Terra a título póstumo". Ente les candidatures presentaes que cumplan los requisitos establecíos, el reconocimientu va concedese a la persona de mayor edá.
Pa optar a estos galardones fae falta tar xubiláu y cumplir dalgún de los criterios de vinculación con Eilao: ser de nacencia del conceyu, tener casao nél o ser emigrante con raigaños familiares nel conceyu.
El plazu pa presentar les solicitúes va permanecer abiertu cada añu ente'l 15 y el 31 de xunetu. Les persones que nun resulten galardonaes tendrán d'anovar la so candidatura na convocatoria del añu siguiente.
La entrega de los reconocimientos va facese a lo llargo de la romería de San Roque, que se celebra nel mes d'agostu.
Llamamientu los mozos
L'asociación quier que la iniciativa sía tamién un mensaxe empobináu a les xeneraciones moces, a les qu'anima a axuntase y a nun considerar utópico la recuperación y el caltenimientu de les zones rurales: "Nun tenemos de dar por perdíos los nuesos pueblos nin tirar la toalla delantre del abandonu. Fae fañlta axuntanos, andechar y trabayar xuntos pa caltenelos vivos. Precisamente l'asociación Vecinal Pico Castro nació con esa voluntá: axuntar a los vecinos, fomentar la so participación y demostrar que la collaboración puede ayudar a combatir la despoblación, recuperar les tradiciones y reforzar el sentimientu de pertenencia a Eilao.
La entidá va ser la responsable de xestionar los datos apurríos pa la tramitación de les candidatures y la organización del actu d'entrega. La información nun se va facilitar a terceres persones, quitando qu'esista una obligación llegal, y les fotografíes namás van poder publicase cuando s'otorgara una autorización espresa.
- El dolor de Javier Álvarez, histórico futbolista del Oviedo, tras perder a su hija, ahogada en el embalse de Quirós tras ver el eclipse: 'Estoy muerto en vida
- En directo: movilización sin precedentes para seguir el eclipse en Asturias y preocupación por la nubosidad
- Encuentran el cadáver de una mujer de 52 años en el embalse de Quirós: vecina de Trubia, se dio un baño tras el eclipse y se hundió
- Peligro en el Huerna: decenas de conductores se detienen en plena autopista para ver el eclipse e incluso sacan sillas
- El AVE no atrae más turistas a Asturias y la subvención para la conexión de avión con Londres es rentable: una investigación 'cum laude' advierte del 'efecto sifón' en el tren
- Vuelca una autocaravana en plena Autovía del Cantábrico a la altura de Canero, en Valdés
- Muere un montañero tras sufrir una caída cuando hacía una ruta por Somiedo
- La Guardia Civil decomisa en Galicia 28 kilos de pulpo que transportaba una empresa de Asturias
