Xenerar una adicción sana a Picos d'Europa, oxetivu del nuevu "pasaporte" qu'anima a afayar tolos requexos del espaciu protexíu
"Pasaporte de Los Picos" convida a percorrer les rutes menos conocíes pa llograr sellos y conseguir reconocimientos y obsequios
El programa busca favorecer un repartu más equilibráu de los beneficios del turismu ente los estremaos conceyos
Senderistes nos Picos de Europa. / Miki López
Añádenos en GoogleXenerar una adicción sana a Picos d'Europa. Esti ye l'oxetivu del programa "Pasaporte de Los Picos", una iniciativa del Parque Nacional qu'anima a afayar la riqueza natural y paisaxística del espaciu protexíu al traviés d'un percorríu pelos sos centros de visitantes y dalgunos de los sos itinerarios de senderismu más representativos.
Esta iniciativa, que se va allargar hasta 2027, pretende fidelizar visitantes y fomentar un conocimientu más ampliu d'esti espaciu natural que comparten Asturies, Cantabria y Castiella y Lleón. Al tiermpu, busca incentivar los percorríos peles zones con menos visitantes y contribuyir a que los beneficios sociales y económicos qu'apurre'l turismu lleguen a tolos conceyoscon terrenos dientro del parque.
Les persones interesaes van poder consiguir de baldre'l Pasaporte de Los Picos en cualesquier de los cuatro centros de visitantes del parque: Pedro Pidal, nos Llagos de Cuadonga (Asturies), Sotama, en Tama (Cantabria) y La Fonseya, n'Oseya de Sayambre, y Posada de Valdeón (Lleón).
A partir d'esi momentu, van poder dir completando'l pasaporte al pasu pelos estremaos centros y peles rutes de senderismu menos conocíes incluyíes nel programa.
Les visites van acreditase con un sellu nel pasaporte, mentanto que los percorríos tendrán de xustificase al traviés del pasu pelos puntos d'información establecíos pa cada itinerariu y la presentación de fotografíes tomaes en sitios concretos del percorríu.
Senderista Premium
La iniciativa establez dellos niveles de participación. Asina, a midida que vayan algamando los oxetivos previstos, podrán recoyese dellos obsequios nos centros de visitantes. Quien completen les cuatro metes previstes va llograr la distinción de Senderista Premium y Embaxador acreditáu del Parque Nacional de los Picos d'Europa, xunto col correspondiente diploma.
Tola información sobre'l funcionamientu del Pasaporte de Los Picos, les rutes incluyíes, les normes de participación y los requisitos pa consiguir cada reconocimientu pueden consultase nos centros de visitantes del parque nacional y na so web:
https://parquenacionalpicoseuropa.es/llanzamientu-del-programa-pasaporte-de-los-picos/.
Con esta iniciativa, el Parque Nacional de los Picos d'Europa anima a afayar la diversidá de paisaxes, senderos y enclaves que conformen ún de los espacios protexíos más emblemáticos del país.
"Cola ayuda del Gobiernu del Principáu d'Asturies"
- El dolor de Javier Álvarez, histórico futbolista del Oviedo, tras perder a su hija, ahogada en el embalse de Quirós tras ver el eclipse: 'Estoy muerto en vida
- En directo: movilización sin precedentes para seguir el eclipse en Asturias y preocupación por la nubosidad
- Encuentran el cadáver de una mujer de 52 años en el embalse de Quirós: vecina de Trubia, se dio un baño tras el eclipse y se hundió
- La guerra del táper estalla en Asturias: la Guardia Civil tuvo interviene en un restaurante del Oriente al negarse un comensal a pagar un euro por el envase para llevarse la comida que sobró
- Peligro en el Huerna: decenas de conductores se detienen en plena autopista para ver el eclipse e incluso sacan sillas
- Una intervención en un oscuro incidente con disparos permite a la Policía Local de Oviedo incautarse de 7 kilos de cocaína
- El AVE no atrae más turistas a Asturias y la subvención para la conexión de avión con Londres es rentable: una investigación 'cum laude' advierte del 'efecto sifón' en el tren
- Vuelca una autocaravana en plena Autovía del Cantábrico a la altura de Canero, en Valdés
