La francesa Nexun entama un parque solar nel altu de Cabruñana
La planta de producción eléctrica de Salas va tener más de 3.600 módulos fotovoltaicos con una inversión de cerca d'un millón d'euros
Altu de Cabruñana . / LNE
Añádenos en GoogleAsturies empieza a tener interés pa la enerxía solar. La multinacional francesa Nexun proyecta la construcción d'un parque con más de 3.600 paneles fotovoltaicos nel altu de Cabruñana, en terrenes del conceyu de Salas.
Nexun ye una empresa de proyeutos d'enerxía solar con sede en Lyon (Francia) y con filiales n'Alemania, Austria, Polonia, Italia y España. N'España tien una cartera de 25 proyeutos de parques solares de más de 174 megavatios (MW). Dalgunos d'ellos yá tienen permisos d'accesu y conexón a la rede y ente ellos ta'l que la compañía entama pal conceyu de Salas.
El proyeutu llámase parque solar fotovoltaicu Corniana y allúgase nun conxuntu de parceles d'usu agrariu asitiaes nel altu de Cabruñana, cerca del pueblu del mesmu nome y de la carretera N-634. La planta va ocupar una superficie de 4,25 hectárees y va tener 3.668 módulos fotovoltaicos que se van montar sobre estructures mecániques d'aceru ("trackers") con sistemes de siguimientu solar p'aprovechar al máximu la radiación. El parque tamién inclúi siete inversores, un tresformador, una caseta de control y una llinia eléctrica soterraña d'evacuación de 145 metros de llargor que va conectar el parque solar cola llinia Corniana-Grau de la compañía Y-Redes.
El parque fotovoltaico va tener una potencia instalada de 3,05 MW, anque la potencia d'accesu a la rede eléctrica va tar llendada a 2 MW. El promotor cueta con una producción anual de 3.529 MWh d'eletricidá.
Nexun ta tramitando los permisos medioambientales énte la Dirección Xeneral de Mediu Ambiente del Principáu, a la que yá presentó l'estudiu d'implantación, y cuenta facer una inversión de más de 931.000 euros.
Esti parque solar fotovoltaico de xeneración eléctrica axúntase a los que proyecten EDP, Electra Norte ya Ingesanc n'antigües mines de carbón a cielu abiertu de Tormaleo (Ibias) y Zarréu (Degaña). Amás, n'Asturies instaláronse nos últimos años grandes parques d'autoconsumu venceyaos a empreses como Asturiana de zinc o DuPont.
"Cola ayuda del Gobiernu del Principáu d'Asturies"
- El dolor de Javier Álvarez, histórico futbolista del Oviedo, tras perder a su hija, ahogada en el embalse de Quirós tras ver el eclipse: 'Estoy muerto en vida
- En directo: movilización sin precedentes para seguir el eclipse en Asturias y preocupación por la nubosidad
- Encuentran el cadáver de una mujer de 52 años en el embalse de Quirós: vecina de Trubia, se dio un baño tras el eclipse y se hundió
- Peligro en el Huerna: decenas de conductores se detienen en plena autopista para ver el eclipse e incluso sacan sillas
- El AVE no atrae más turistas a Asturias y la subvención para la conexión de avión con Londres es rentable: una investigación 'cum laude' advierte del 'efecto sifón' en el tren
- Vuelca una autocaravana en plena Autovía del Cantábrico a la altura de Canero, en Valdés
- Vox denuncia que el Principado quiere abrir un centro de menores extranjeros en La Florida, en Oviedo
- Muere un montañero tras sufrir una caída cuando hacía una ruta por Somiedo
