Avilés va axuntar nel Niemeyer al talentu empresarial mozu d'Asturies
L'Asociación de Mozos Empresarios d'Asturies va celebrar el 18 de payares una gala abierta a nueves audiencies y concebida pa premiar la creatividá, la xeneración d'empléu y los proyeutos con mayor capacidá de tresformación
Ana Fuego y Manuel Campa nel actu de presentación. / A. A.
Añádenos en GoogleAvilés convertiráse'l próximu 18 de payares nel epicentru del emprendimientu asturianu. El Centru Niemeyer va acoyer la Gala de los Mozos Empresarios d'Asturies, ún de los principales alcuentros del calendariu económicu asturianu, nel que se va reconocer el talentu, l'anovación y la trayectoria de los que tán impulsando nuevos proyeutos y oportunidaes dende'l texíu productivu. L'anunciu féxose a lo llargo del Día d'Avilés cola mocedá anovadora, celebráu na Feria Internacional de Muestres d'Asturies.
El conceyal de Desarrollu Urbanu y Económicu, Manuel Campa, avanzó que'l Conceyu y l'Asociación de Mozos Empresarios d'Asturies trabayen pa ufiertar una edición que ruempa colos formatos habituales. "Vamos faCer una gala, yo creo que de les que se van a recordar. Vamos faCer una gala distinta, va ser nel Centru Niemeyer y nun vamos usar l'anovación empresarial, sinón l'anovación na mentalidá que los empresarios mozos siempre ponen nos sos actos", señaló. La cita va formar parte de la programación que Promoción Empresarial, La Curtidora y el Parque Teunolóxicu van desarrollar na ciudá hasta final d'añu.
La celebración del alcuentru va sirvir tamién pa reforzar la collaboración ente'l Conceyu d'Avilés y los empresarios mozos. Campa defendió la necesidá de buscar nuevos espacios de coordinación y aumentar el númberu d'actividaes conxuntes. "Cualquier cosa que l'Asociación de Mozos Empresarios nos proponga, como siempre dende'l serviciu de Promoción Empresarial, tamos abiertos a ello", afirmó'l conceyal, que destacó qu'una mayor presencia de la entidá puede xenerar más actividá económica y atraer nuevos asociaos.
La xerente de los empresarios mozos, Ana Fuego, sorrayó que l'oxetivu ye entamar una gala "que se salga un pocu de lo convencional" y que resulte más cercana al públicu xoven. "Facelo n'Avilés, cola bona relación que tenemos col Conceyu y tolo que fai pola mocedá empresarial y los entamadores asturianos, ye una bien bona oportunidá de reforzar esa relación", esplicó. L'asociación busca, amás, esparder la so programación más allá de la exa formada por Xixón y Uviéu, depués de celebrar la pasada edición en Siero.
La gala va premiar l'esfuerzu, la creatividá y la capacidá d'anovación d'empresarios y empresaries con unos proyectos que contribúin al crecimientu económicu, la creación d'empléu y la tresformación del texíu productivu d'Asturies. L'alcuentru va axuntar tamién a representantes institucionales, compañíes, entamadores y axentes económicos cola mira d'intercambiar esperiencies, fortalecer aliances y xenerar nueves oportunidaes. Los empresarios mozos asturianos van dar a conocer nes próximes selmanes el programa, les categoríes de los galardones y el procedimientu pa presentar candidatures.
"Cola ayuda del Gobiernu del Principáu d'Asturies"
- Venden por diez millones de euros un castillo emblemático de Asturias, con una vivienda principal que tiene 24 habitaciones, doce baños y su propio embarcadero
- Conmoción en El Fontán de Oviedo por la muerte de un conocido florista de 48 años que perdió la vida en un accidente de moto en Quirós
- El Ministerio fija en un informe preliminar que la única mina de carbón en actividad en Asturias debe devolver más de 30 millones en ayudas
- Javier y Eva, la pareja de veinteañeros de Asturias que consiguió una plaza fija de profesor en el mismo centro educativo: 'Ahora hay muchas necesidades en los coles
- Cristina Prida ya tiene plaza fija de maestra en Asturias con 28 años: 'Conseguirlo depende de muchos factores, desde el tribunal que te toque hasta el baremo que tengan el resto de compañeros
- El difícil encaje en Asturias de cuatro universidades ante la previsión de que los estudiantes sigan menguando: 'Habrá que reclutar a alumnos internacionales', coinciden rectores y exrectores
- EN DIRECTO: manifestación de apoyo a Ceuta en varios puntos de Asturias
- Dos montañeros, colgados al enredarse las cuerdas cuando escalaban una pared en el Cares
