Rodrigo Cuevas conquista Santander con "La Belleza"
Una vegada más, l'artista asturianu demostró por qué se convirtió nuna de les voces más singulares de la escena musical española, reivindicando'l folclore dende una mirada contemporánea
Rodrigo Cuevas en su concierto el pasado miercoles 12 en Santander / FIS / Joaquín Gómez Sastre
Añádenos en GoogleRodrigo Cuevas tornó'l miércoles pasáu al Festival Internacional de Santander (FIS) pa presentar ‘La Belleza’, la so nueva propuesta escénica, delantre d'un públicu que volvió rindise al so remangu, al humor y al amiestu de tradición y soníos contemporaneos del artista asturianu.
Depués del so debút nel FIS en 2025, con un espectáculu más íntimu qu'escosó les entraes nes sos dos sesiones, Cuevas dio'l saltu a la Sala Argenta del Palaciu de Festivales, tresformada pa la ocasión nel cabaré La Panoya Dorada. Sobre l'escenariu, el músicu tuvo acompañáu por Mapi Quintana, Tino Cuesta, Rubén Bada y Juanjo Díaz, amás d'un cuerpu de baille integráu por Pablo Dávila, Paula Fernández, Blanca de Cossío y Máximo Ramírez.
‘La Belleza’ supon un nuevu pasu nel universu artísticu de Cuevas y sirve d'acompañamientu escénicu al so tercer trabayu discográficu, "Manual de Belleza", col que completa la triloxía entamada con "Manual de Cortexu" y siguida con "Manual de Romería". Una propuesta na qu'el folclore asturianu vuelve atopase cola electrónica, l'humor, la sensualidá y una puesta n'escena ablucante.
El conciertu, primeramente previstu a les 21.00 hores, empezó finalmente a les 21.30 pa facilitar la llegada del públicu depués del eclís total de sol. Les localidaes taben escosaes, confirmando una vegada más la conexón de Rodrigo Cuevas col públicu y la so particular capacidá pa convertir cada actuación nuna celebración.
Con ‘La Belleza’, l'artista uvieín sigue una xira qu'entamó n'abril n'Avilés y que se va allargar hasta ochobre de 2026, en Madrid, llevando la so particular manera de reivindicar y reinventar la tradición a escenarios de tol país.
"Cola ayuda del Gobiernu del Principáu d'Asturies"
- Conmoción en Degaña: mueren al volcar su coche dos jóvenes de 23 años que acababan de estar en las fiestas de la Santina en Cerredo
- Hasta cuatro estafados en Asturias por venta de vehículos: un grupo de bilbaínos se lleva los coches, pero no hace efectivas las transferencias y falsifica los papeles para revenderlos
- Conmoción en El Fontán de Oviedo por la muerte de un conocido florista de 48 años que perdió la vida en un accidente de moto en Quirós
- La desgracia se ceba con Cerredo tras la muerte de dos jóvenes en un accidente de tráfico: 'Es muy duro
- Barbón cambiará la misa en Covadonga por un santuario en el Occidente para el Día de Asturias
- Dos montañeros, colgados al enredarse las cuerdas cuando escalaban una pared en el Cares
- En crisis como la de Ceuta es mejor que haya un Gobierno progresista', defiende el ministro Bolaños en Oviedo
- Tres alcaldes socialistas, tres maneras de esquivar la posición de la FSA
