Güevos, pescáu y carne de corderu, los productos que más s'encarecen n'Asturies
La inflación nel Principáu esguiló cuatro décimes en xunetu, hasta'l 3,1%, anque quedó per debaxo de la media nacional (3,6%)
Una persona garra unos güevos nun supermercáu. / Luis Tejido / EFE
Añádenos en Google
L'índiz de precios de consumu (IPC) xubió n'Asturies en xunetu un 3,1% en comparanza col mesmu mes del añu pasáu, según l'Institutu Nacional d'Estadística (INE). La cifra supon cuatro décimes más que l'IPC de xunu (2,7%), anque queda per debaxo de la media del conxuntu d'España (3,6%). Asturies rexistró la segunda tasa más baxa ente les comunidaes autónomes, namás per detrás d'Estremadura (3%).
Los productos que más s'encarecieron n'Asturies al respeutive de un añu primero fueron los güevos (15,5%), el pescáu fresco y conxelao (12,3%), la carne de corderu (10,5%), la calefacción, los recibos del agua y la lluz (8,8%) y el tresporte personal (7,3%).
El pescáu ye ún de los artículos nos que más s'incrementó'l preciu nos últimos meses, especialmente por aciu de la crisis bélica d'Irán. Fontes del gremiu de pescadores asturianos señalaron que los cortes de suministru de combustible y, en xeneral, tolos incrementos de costos de los productos derivaos del petróleu, como los envases y los plásticos en que s'envasen munchos pexes, tán aumentando los gastos entemedios de la cadena productiva.
D'otra manera, les categoríes nes que más baxaron los precios en xunetu n'Asturies pertenecíen, quitando la carne de gochu (-5%) predominantemente del sector testil: ropa de muyer (-13,2%), ropa d'home (-9,6%), ropa de neñu y ñácaru (-7,6%) y el calzáu d'home (-4%).
A nivel nacional, l'IPC púnxose nel 3,6%, cuatro décimes más que'l mes anterior y algamando máximos de dos años, y por mor principalmente del mayor encarecimientu de los combustibles y llubrificantes pa vehículos y de la eletricidá.
"Cola ayuda del Gobiernu del Principáu d'Asturies"
- Conmoción en Degaña: mueren al volcar su coche dos jóvenes de 23 años que acababan de estar en las fiestas de la Santina en Cerredo
- Hasta cuatro estafados en Asturias por venta de vehículos: un grupo de bilbaínos se lleva los coches, pero no hace efectivas las transferencias y falsifica los papeles para revenderlos
- Conmoción en El Fontán de Oviedo por la muerte de un conocido florista de 48 años que perdió la vida en un accidente de moto en Quirós
- La desgracia se ceba con Cerredo tras la muerte de dos jóvenes en un accidente de tráfico: 'Es muy duro
- Barbón cambiará la misa en Covadonga por un santuario en el Occidente para el Día de Asturias
- Dos montañeros, colgados al enredarse las cuerdas cuando escalaban una pared en el Cares
- En crisis como la de Ceuta es mejor que haya un Gobierno progresista', defiende el ministro Bolaños en Oviedo
- Tres alcaldes socialistas, tres maneras de esquivar la posición de la FSA
