Inaciu Galán, académico de la Llingua asturiana: "Sin oficialidá tamos perdiendo una oportunidá de xenerar riqueza dende va cuasi cincuenta años"

El académico de la Llingua Inaciu Galán (Gijón, 1986) participó ayer en la "Xira pola oficialidá", con parada en Avilés. Ofreció una charla en el palacio de Valdecarzana: "¿Por qué sí a la Oficialidá?"

–¿Por qué sí a la Oficialidad?

–Ye la ferramienta que marca la Constitución Española pa la protección de les llingües y de los derechos de les persones que les falen. Tenemos el casu gallegu y vemos como ye posible da-y futuru a un idioma propiu ensin conflictu nengún; la oficialidá ponla en marcha Fraga col PP y ye una cuestión tresversal. Naide pon en dulda que tenemos de cuidar el patrimoniu material, pues lo mesmo col inmaterial. N’Asturies esta idea va muncho que ye mayoritaria.

–¿Qué mensaje le gustaría trasladar a los contrarios a la Oficialidad?

–Hai una parte de los contrarios que tán usando esta cuestión buscando politizar l’asturianu. Vox quier que desapaezan toles llingües d’España, menos el castellán. Pero hai otres persones que quieren al asturianu y la cultura asturiana pero a les que-yos meten mieu con mentires. Esta xente tien que saber que nada va cambiar na so vida pa les persones que nun quieran usar l’asturianu. La oficialidá supón ampliar derechos.

–¿Y a los que consideran la defensa del asturiano un gasto innecesario?

–La oficialidá tien un costu mínimu y tendría numberoses ventayes p’Asturies. Cuando tienes una llingua oficial vienen fondos d’España y d’Europa, tienes un elementu cultural atractivu… Protexer cola oficialidá supón una riqueza, nunca un gastu. Nun hai más que ver como Galicia tien nel usu del gallegu un elementu dinamizador de la economía, como usen el gallegu como marca pal interior y l’esterior, toos conocemos el "Galicia Calidade". Tamos perdiendo una oportunidá de xenerar riqueza dende va cuasi cincuenta años.

–¿Y a esos que están entre dos aguas, muchos, la mayoría, que hablan la lengua asturiana y, por supuesto, la comprenden pero no se posicionan ni a favor ni en contra del bilingüismo?

–Necesitamos una mayor implicación de la sociedá. Si tas a favor del asturianu, como lo ta la mayoría de la xente, hai que facer dalgo. Caún na midida de les sos posibilidaes. Si tienes un negociu o collabores con una asociación, usa l’asturianu na publicidá, nes actividaes… Apunta a los fíos y nietos a asturianu, sofita a organizaciones como Iniciativa pol Asturianu. Hai munches maneres de sumase, pero ye clave que la xente tome la iniciativa. Cada día hai más asturianos y asturianes que lo faen.

–¿Qué confianza tiene en que el Ejecutivo regional consiga la Oficialidad?

–L’Executivu ta impulsando una reforma que ye difícil que salga alantre nesta llexislatura, pero ta bien intentalo. Ye bona noticia que siga la cuestión en discusión. Agora toca que’l PP, que yá apoyó la oficialidá n’otros momentos, con Cherines o con Gabino, vuelva a esta postura constitucionalista. Ta bien el discursu nuevu d’Alvaro Queipo, más sensible cola cuestión, pero fai falta una postura valiente, que se sumen al consensu mayoritariu. Nun se pue facer el xuegu a los discursos anticonstitucionales y antiespañoles de partíos fuera de los consensos democráticos. Una llingua española, l’asturianu, necesita la mesma protección que’l restu de les llingües d’España. Permitir que nun seya oficial ye ser compliz de la so desapaición y de la falta de derechos de los falantes.

–¿Y qué opina de lo que Barbón lleva hecho a favor de la Oficialidad?

–El Gobiernu d’Asturies tien que facer muncho más. Nun ye presentable que teamos tovía ensin un plan de normalización aprobáu. Necesitamos un usu más tresversal de les llingües d’Asturies. Barbón usa l’asturianu dacuando, y eso ta mui bien, pero les demás conseyeríes, sacantes Cultura, nun usen prácticamente nada l’asturianu, la RTPA sigue siendo un espaciu onde l’idioma ye marxinal, nun se dan avances relevantes na Alministración, en munchos departamentos nun s’usa la toponimia oficial… Hai que trabayar más y meyor, anque’l cambiu d’actitú ye evidente con respecto a otros gobiernos anteriores.

–¿Habría que acercar más el asturiano a los colegios?

–Sí, la escuela ye clave pa la tresmisión del idioma. La situación del asturianu y del eonaviegu nes escueles nun avanza. El profesoráu sigue siendo eternamente interín y l’asignatura compite con otres materies coles que nun tien sentíu que lo faiga. Tovía tenemos casos cada añu de problemes cola matrículación, familes a les que se-yos ponen problemes. Falta la especialidá docente pal profesoráu, que niega’l Ministeriu d’Educación de forma inesplicable, pero cola escusa de que nun ye oficial. Al final esi ye siempres el problema, por eso ye tan importante la oficialidá. Na parte positiva, la demanda de les families fixo crecer l’asignatura y l’asturianu ta presente en cásique tolos centros públicos y concertaos d’Asturies.

Suscríbete para seguir leyendo