Blog 
La Revolada
RSS - Blog de Humberto Gonzali

El autor

Blog La Revolada - Humberto Gonzali

Humberto Gonzali

(Figareo, Mieres, 1961) . Escritor.


Archivo

  • 20
    Marzo
    2013

    Landfill Harmonic (Teaser)

    Landfill Harmonic ye un documental sobre una orquesta musical de Paraguai pero cola particularidá de que los instrumentos, tocaos por músicos mozos, tán fechos de basoria.

    Dirixíu por Graham Townsley y producíu por Alejandra Nash, Juliana Penaranda-Loftus y Rodolfo Madero, tará peracabáu en 2014.

    Puede afayase más información d'esti interesante proyectu nel blogue tamién nomáu Landfill Harmomic.


  • 28
    Febrero
    2013

    Electropolis

    El curtimetraxe Electropolis ye productu de siete meses de trabayu, mientres 2009, de trelce estudiantes del programa d'animación cinematográfico del Sheridan College, n'Oakville, Canadá.


  • 21
    Febrero
    2013

    Ursdon: La tierra de la soledá

    Fai cuatro décades había más de 500 cases n'Ursdon (significa "El Ríu Blancu"), una aldea d'Osetia del Norte, nel Caúcasu. Anguañu namás queden trés. El personaxe principal d'esta obra de cine antropolóxicu ye Viktor Ambalov, un home de ochenta años que vive en condiciones bien difíciles, les más de les veces metanes la soledá. N'Ursdon nun hai muyeres y habítenlu solo cuatro homes.

    Урсдон: территория одиночества dura 20 minutos y rodóse en 2007, en 35 mm. Ta dirixíu pola la moscovita Mariya Kozlova, gradu...


  • 15
    Febrero
    2013

    Never extinguish

    El neozelandés Ash Bollan ye'l director d'esta entrega de la gallardonada serie de Coke Burn. Filmada en cais de Buenos Aires, el curtimetraxe narra un viaxe que na parte final suxier un llugar siniestru y una presencia cuasi sobrenatural.  Never extinguish ta protagonizáu por Runa Glifberg, Hamard Dany, Hugo Maillard y Skroder Jonas.


  • 08
    Febrero
    2013

    ‘G’, un curtiumetraxe de Diego Puertas

    El vallisolitanu Diego Puertas escribió, produció y dirixó esti curtiu rodáu en 2011. Son los sos intérpretes los bien conocíos actores José Luis Gil, Beatriz Carvajal, Maiken Beitia, Fernando Cabrera, Héctor Garay y Juan Perucho. La dirección de fotografía foi responsabilidá d'Álvaro Sanz, la música de Ginés Carrión y el montaxe y postproducción d'Alejandro Pérez.

    G ye una mezclienda de thriller y comedia que tien como protagonista a un mercernariu 'mui español' que tien de facer llimpia na so propia organización. Una película merit...


  • 05
    Febrero
    2013

    El cine d'animación y musical d'Hector Projector

     Hector Projector ye un mozu suecu, cantante y compositor autodidacta que perfái temes de gran calidá, arreyaos a un folk alternativu con mensaxe y mui agradable a la escucha. Pero, arriendes  de la so creatividá musical, ye tamién un magu del cine d’animación, lo que lu tien llevao a facer dellos curtios con espléndidos dibuxos animaos de personal trazu,  que viven nel metraxe acompasaos pola banda sonora, sía ésta del propiu Hector o d’otros autores.

    Darréu podemos ver y oyir cinco d’estes delicioses animaciones cinematográfiques, It’s Ar...


  • 04
    Febrero
    2013

    Trés obres esperimentales del primer Polanski

    Ente 1955 y 1963 Roman Polanski rodó ocho curtimetraxes, entamando por Rower (La bicicleta), fechu con solo ventiún años y siendo al empar director y guionista.

    D’esta dómina son los trés títulos qu’esbillo; Rozbijemy Zabawe (Acabando col baille) [1957], Dwaj Ludzie z Szafa (Dos homes y un armariu) [1958], y Lampa (Llámpara) [1959].

    Rozbijemy Zabawe ta arreyáu a una de les munches anécdotes que cunta’l propiu Polanski. Sigún la so autobiografía, con esta película trataba de que lu echaren de la escuela ...


  • 02
    Febrero
    2013

    ‘Paperman’, una pequeña ayalga del cine d'animación

    Tamos énte un magníficu y anovador trabayu xurdíu de los Walt Disney Animation Studios, frutu del bon facer d’un equipu pequeñu, con un guión escelente, l’acertada opción musical de Christophe Beck y la dirección de John Kahrs.

    Usando un blancu y negru minimalista, esti filme espeya la historia d’un mozu solitariu, nel Nueva York de metanes el sieglu pasáu, que ve cómo’l destín vuélvese  inaguardáu tres d’un alcuentru ocasional con una guapa muyer.

    Paperman, que s’afaya nomináu al Oscar al Meyor Curtiumetraxe Animáu,...


  • 02
    Febrero
    2013

    'These things take time' de Leonardo Dalessandri

    El director y editor italianu Leonardo Dalessandri ufiértanos These things take time (Estes coses lleven tiempu), vidiu esperimental rodáu en HD mientres el 2012, xuníu a un tema musical interpretáu pola banda australiana Dead Can Dance, "The carnival is over" (L'antroxu acabó). Ye ésti trabayu de perbón resultáu, con impresionantes imáxenes en blancu y negru, filmaes con una Canon 5D Mark II y usando lentes Nikon 14-24 2.8, 24 1.4, 58 y 2.8.


  • 01
    Febrero
    2013

    Nuevu poster de 'Iron Man 3'

    Marvel ufierta un regalu nuevu a los seguidores del personaxe Iron Man. Trátase del segundu poster de la parte tercera de la saga cinematográfica, onde se ve la cayida de Tony Stark.

    Nesta película, Iron Man 3, apaez ún de los villanos más complexos y llograos del Universu Marvel, El Mandarín, papel encarnáu por un maestru de la interpretación, Ben Kingsley.

    Iron Man 3 veráse nes sales de cine n'abril.