La exatleta cántabra Ruth Beitia renunció a ser la candidata del PP a la Presidencia de la Comunidá, aspiración na que va ser sustituyida pola líder del partíu, María José Sáenz de Buruaga.
Asina lo informó esti martes pola tarde la formación nun comunicáu nel que señala que la medallista olímpica -designada por Xénova hai malapenes quince díes, en contra de la dirección rexonal- treslladó al presidente del PP, Pablo Casado, la so decisión de "abandonar la vida política por razones puramente personales y familiares".
La campeona olímpica valoró'l respaldu recibíu pol líder nacional -con una Executiva de la que ye miembru dende setiembre- y "tol" PP por depositar el so enfotu nella a lo llargo de los más de 10 años d'actividá política".
