11 de febrero de 2019
11.02.2019

Publicáu'l conveniu ente Cantabria y Asturies pa la meyora d'atención sanitaria

El Boletín Oficial de Cantabria (BOC) publicó esti llunes el conveniu de collaboración ente les comunidaes autónomes de Cantabria y el Principáu d'Asturies pa la prestación d'asistencia sanitaria y pa la meyora de l'accesibilidá a servicios del Sistema Nacional de Salú de pacientes residentes en conceyos estremeros.

11.02.2019 | 17:46

El Boletín Oficial de Cantabria (BOC) publicó esti llunes el conveniu de collaboración ente les comunidaes autónomes de Cantabria y el Principáu d'Asturies pa la prestación d'asistencia sanitaria y pa la meyora de l'accesibilidá a servicios del Sistema Nacional de Salú de pacientes residentes en conceyos estremeros.

En virtú d'esti alcuerdu, que yá se vien aplicando, los vecinos de Tresviso puen sumase los centros de salú de Cabrales y Peñamellera pa recibir atención primaria; y los de Cabrales, Ribedeva, los Valles Baju y Altu de Peñamellera, n'Asturies, van recibir atención especializada ambulatoria nel hospital comarcal de Sierrallana, en Torlavega.

Amás, pacientes cántabres afectaos por procesos oncolóxicos van poder ser atendíes nel Hospital Universitariu Central d'Asturies (HUCA) d'Uviéu pa procesos de reconstrucción mamaria, y los asturianos van tener accesu a ciruxía bariátrica (pa tratar la obesidá) nel Hospital Universitariu Marqués de Valdecilla, en Santander.

En 2017, 12 pacientes asturianos operáronseen Valdecilla de ciruxía bariátrica y 22 de Cantabria sometiéronse a reconstrucciones mamaries n'Uviéu, según información de la conseyera cántabra de Sanidá, Luisa Real, qu'esplicó qu'oxetivu del conveniu ye "salvar les torgues" que puen enzancar l'atención sanitaria en núcleos rurales estremeros pola orografía o la distancia a los centros sanitarios.

El conveniu tien una duración d'un añu, pero va poder ser prorrogáu, al traviés d'alcuerdu de les partes, anualmente y por un períodu d'hasta cuatro años adicionales.

Compartir en Twitter
Compartir en Facebook