10 de octubre de 2013
10.10.2013
40 Años
40 Años
 

Ignacio Abella ye autor d´una hestoria "social" del felechu

10.10.2013 | 01:52
Portada de "Asturies, memoria encesa".

Berto Álvarez Peña firma igualmente'l testu "Delles representaciones de sierpes nos retablos asturianos" y comparte tamién con Xuan Fernández-Piloñeta y Daniel Cueli Canto "Un nuevu asentamientu castreñu n'Asturies: El Castillón d'Antrialgu. Piloña" con semeyes y conseñes sobre la historia vieya d'esti asentamientu de dellos estudiosos (ruines de la dómina de los árabes, turuxón defensivu...).

Ignacio Abella ye autor d'una singular y completa historia "social" del felechu. Un estudiu bien detalláu de lleendes, aspectos económicos y sociales, d'usos tradicionales y, sobremanera, refraneros que permanecen: "Tierra de felechu, tierra de provechu y tierra d'ortigues, tierra de maldigues"; "Nun te fíes del gamón, que ye fichu d'un coyón, fíate del feleito que nace por dereito" y les sos camudabilidades xeográfiques. Gausón Fernande Gutierri da repasón, n'otru testu de camientu y xunto a Ástur Paredes, a los horros beyuscos y al desaniciu al qu'estos elementos arquitectónicos tan singulares (cubiertes, caxa, sofitos) y únicos n'Asturies paez que tán condenaos. Y vuelve a poner firma nel testu col que torna a estudiar el paxellu asturianu y les imprescindibles monteres.

Jesús Suárez López presenta una lleenda prestosa de la tradición oral asturiana, la de "La muyer xabaz qu'echa les mamielles al costín" y fai encomparanza con delles otres lleendes universales asemeyaes a esta asturiana y Xulio Concepción Suárez pon la firma a "Siempres de camín, ente la casa y la cabana" sobre la vida llabriega y d'apastoriu na braña colos útiles necesarios pa la vida del día ente día. La estaya de la revista "L'Estoxu" que coordina Ignaciu Llope remata esta publicación d'"Asturies, memoria encesa", con apuntes sobre lliteratura ya historia vikinga, mitoloxía popular, música folk y un estudiu sobre una "flecha cabraliega".

La Fundación Belenos, amás d'editar esta revista cultural, tamién entama dellos seminarios de cultura asturiana nel mes de payares. Pol so llabor, l'Asociación Cultural "Serondaya" de Cenera concedió-y apocayá el so premiu d'Anovación Cultural na estaya de Ciencies de la Cultura Humana, y nel branu, la Fundación Belenos foi tamién finalista nominada del I Premiu Cultural Asturianu de Timón de l'Arribada.

Compartir en Twitter
Compartir en Facebook

Noticias relacionadas