Yá pasaron más de trenta años desque Berta Piñán apaeciera nel panorama lliterariu con Al abellu les besties (1986).Naquelentós, d'algunos de los nomes actuales de la nuesa lliteratura inda nun nacieran pero, por suerte, les voces de cuasi toles muyeres d'aquella segunda xeneración del Surdimientu siguen presentes nes lletres d'esta entrada del sieglu XXI: la calidá de la propia Berta, Lurdes Álvarez, Esther Prieto, TaresaLorences y Marta Mori trescendió les llendes de la xeneración, exhibió arte y oficiu yfexocamínpa les xeneracionesfutures. Ente esos nomes y los más nuevos,"cuando yá la lliteratura asturiana yera una más qu'añedir a les lliteratures del mundu", en palabres de García Martín, apaez la figura de Vanessa Gutiérrez, ponte imprescindible desde'l so momentu inicial con Onde seca l'agua (2003) hasta la más cercana actualidá col ensayu El paisaxe nuestru. La lliteratura asturiana tien que celebrar l'altu nivel y la presencia permanente d'una nómina abondante de muyeres y obres, imposible de recoyerdafechunestiespaciu.
Ye la d'agora una llingua lliteraria perafitada, igual nel estándar del asturianu y del gallego-asturianu que nes variantes; tantu pa escritores como pa llectores, y eso nótase nuna espresión llingüística cada vez más suelta y llibre d'esmoliciones, pero que sigue mui enfotada en poner procuru no que se diz y en cómo se diz.
Na lliteratura femenina d'anguañohai qu'estremar ente poesía y narrativa. Dientro de la narrativa, ye la novela la única estaya ayena a la normalidá de los nomes de muyer, con dalguna esceición como Esther Prieto con Güelu Ismail (2002), reeditáu de recién. Haibones y espertes narradores d'artículos, cuentos y relatos: Cristina Muñiz ( ¡Que te preste!, 2011); ElisabetFelgueroso ( Páxines del llibru muertu, 2010); Paula Pulgar (Caleidoscopiu, 2011); Iris Díaz Trancho (Nome, 2011); Consuelo Vega ( Más espeso que l'agua, 2014) o Laura Marcos ( Cuentos de ser y de tar, 2017). Nos próximos meses va salir a la lluz una nueva antoloxía de testosd'escritores coordinada po la profesora de la Universidá de Nueva York Paquita Suárez Coalla, bona oportunidá p'acercase a les narradores de güei.Si bien escoyer l'asturianu yá implica, de munches maneres, quedar n'Asturies, Antón García apunta a que"el sentimientu de la tierra desapaez na narrativa última: yá nun ye inequívocamente asturiana la sociedád'estos seres". Pue ser una característica, xunto col aumentu na presencia de personaxes femeninos, trataos con profundidá y con sensibilidá, amás del'actualización de los temes, la querencia pola anécdota corriente, el tratamientu del humor o la muerte y la soledá, la cruel incomunicación de la sociedá moderna. Anque la mayoría de relatos abandonaron el pueblu, tamién hai autores que-y siguen dando presencia o que lu recreen; vese más en Suárez Coalla ( El día que nos llevaron al cine y otros cuentos, 2007) y Esther García López ( Yo taba ellí, 2015),apegaes a la historia y les costumes, o en Pilar Arnaldo ( Nel ríu la fame, 2015), que recupera l'alma del paisaxe asturianu como un personaxe más nos sos cuentos de muyeres. Reincidente y con ésitu nel ensayu ye Beatriz R.Viado ( Yá cuasi nunca lo facemos por amor, 2013).
Les poetes manden nos últimos certámenes lliterios principales: Marisa López Diz, con Les races del olvidu y Ana Isabel Medina Zarabozo con Carenda fueron les ganadores nes dos últimes ediciones del "Teodoro Cuesta"; Raquel F. Menéndez foi premiu"Nené Losada" 2016 con El llibru póstumu de Sherezade y Ángeles Carbajal consiguió'l "Xuan María Acebal" nos años 2014, cola preciosa melancolía de L'aire ente la rama y 2016, con Un vasud'agua.
N'opinión de Xosé Bolado, la llírica actual tien "variedá d'enfotos y voces personales desarrollaes con xeitu", pero sin tendencies estétiques dominantes. Son escritores billingües que puen aportar una reflexón sobre'l llugar de la muyer y los modelos femeninos que conocieron; o que revisen la infancia y la pertenecia a un mundu y a una llingua que desapaez. Pero tamién se comprometen colo que-yos pide'l momentu actual: la denuncia d'un mundu gafu y en crisis. Y tán faciéndolo esperimentando y escoyendo temes y ormes afayadices pa satisfacer la cultura de la inmediatez,espresada davez una oralidá d'una timba poética, un calce que-yos presta a esgaya a les nueves escritores. Exemplu de poesía de la tierra siempre ye Aurora García Rivas ( Trinquilintainas, 2007); tamién Rosa Cunqueira ( Suenos, 2010) o Ana Vega ( Al xeito del tambor, 2014). Un nuevu clasicismu, en fondu y forma, esplícalu Solinca Turbón ( Lliteratura interna, 2016). Na llinia más independiente, María García Díaz ( Llírica astraición, 2016) y Alejandra Sirvent ( El reló de Sherlock Holmes, 2016); Sofía Castañón ( Tiempu de render, 2010) y Laura Marcos, en cualesquier recital y na antoloxía La prueba del once.
Estibon presente ta espresándose en voces conocíes y queríesy en voces nueves, bienveníes, como la d' Ana Isabel Medina: "Solo quixera ser/ la muyer valiente que fuesti,/ un espeyu de la to brenga y el to coraxe,/ almiramen él/ como yo t'almiraba?/ pero nun voi siguir los tos pasos".
