con llingua propia
Melquíades
Nel fondu de la novela hai una reivindicación de los valores teóricos y políticos del Partido Reformista
Lluís X. Álvarez
"El día de la ira" (Trabe, 2023), de Lluis Portal Hevia ye una novela que lleva’l títulu del himnu llitúrxicu "Dies irae, dies illa". La primera estrofa, tornada del llatín, diz asina na páxina 174: "¡Será un día d’ira, aquel día / en que’l mundu se reduza a cenices, / como predicieron David y la Sibila". Si se sigue lleendo notamos el motivu d’esa solemne cita: la decripción histórica y lliteraria del asesinatu de Melquíades Álvarez y compañeros na Cárcel Modelo de Madrid. Asina hai que considerar el capítulu XVI, "El suétanu de la llocura (22/08/36)", como cumal del rellatu. Pero la novela trai munches coses d’anantes y dempués d’esi fechu del que tanta xente queríemos saber con precisa y piadosa curiosidá.
El llibru de Lluis Portal Hevia nun ye namás biografía de D. Melquíades Álvarez, profesor, abogáu y políticu asturianu, consideráu’l meyor orador parlamentariu de la época: el Tribuno. Lo que fai novela al mui emocionante y atrevíu textu ye la presencia de la vida d’un anarquista llamáu Lalo Montesinos que quixo ser tamién un "señor". Y fuélo en suerte y poder hasta que él mesmu, deteníu al fin de la guerra, morrió en manes franquistes del mou que se llee na última páxina, 240. Salen a rellucir n’un planu secundariu anarquistes más conocíos, Francisco Ascaso, Buenaventura Durruti o José García Oliver, el qu’afitó qu’ellos yeren –los anarquistes, supónse– "los mejores terroristas" (hai video). En cuanto a Montesinos y al historial de robos y matances, la novela dexa en suspensu si foi o non a la fin l’executor de quien fuera Presidente de las Cortes y amigu del Rei, Melquíades Álvarez. La novela diz que se conserva un documentu de "sesenta cuartíes" escrites, como confesión y a llapiceru, por Lalo Montesinos.
L’estilu de Lluis Portal Hevia, periodista y maliayés, salta d’un tonu a otru sigún convién. Reporta informaciones comunes y de sutrucu la escena faise tremendista: entós camuda’l lléxicu. El capítulu VI narra’l llatrociniu d’un pisu a cargu de la banda de Montesinos, aquello de la "espropiación del botín burgués". Poro lo grotesco de l’aición sírvese per un lléxicu de diálogu popular bien axustáu al del clásicu humor negru. Por contra, en tocando delles temes y momentos de la vida de D. Melquíades el cambeu de lléxicu llévanos a los pasaxes más épico-llíricos del llibru. Vese que la bayura de la Villa de Maliayo ye tamién la bayura de la llingua que’l autor d’esta novela remana.
Nel capítulu X, "El golpe militar, (17/07/1936)", D. Melquíades Álvarez, que tien más de setenta años, ta en casa de familiares y mira’l cielu camentando’l socesu del día: "A lo lloñe vio nel cielu escurecíu una nube de tonos encarnaos y mariellos mui vivos, de sangre y oru. Esto animólu, de xuro. Anque’l cromatismu natural anunciaba un magníficu día de xera y voceríu. Sonrió sele, escaeciendo d’esmenu la escarayada realidá" (páxina 105). Pero na páxina siguiente esapaez esi enquivocu. "Nesto salió a la terraza la so fía Matilde con un vasu nuna mano y quedó mirando. Nesto cayó-y el vasu al suelu… –¡Ta quemando’l conventu de los xesuites!".
Más gracia traxicómica: capítulu VII, "La primera muerte del políticu". Añu 1931, eleiciones republicanes. El vieyu y asturianu partíu fundáu por Melquíades Álvarez tien mitin nel Teatru Campoamor. El PSOE yá nun lu quier y los nuevos del Partíu Radical-Socialista tampoco. Ármase barullu, xaréu con chiflíos, boicoteen l’actu. A Don Melquíades da-y una lipotimia. El Partido Reformista retírase de les eleiciones. Yá nun tornará a elles.
Cola ayuda de la Conseyería de Cultura, Política Llingüística y Turismu del Principáu d’Asturies
Suscríbete para seguir leyendo
- España se hace con 16 de los 23 premios en los Platino, y Bayona y 'La Sociedad de la Nieve' arrasan
- Los Óscar modernizan sus reglas y priorizan la exhibición en salas
- La única escuela pública de España donde se enseña catalán, euskera y gallego da una lección al Congreso: “Es triste que vivamos de espaldas unos a otros”
- La estrella de 'rock and roll' que echó a Jimi Hendrix de su grupo
- Obras de grandes maestros como Goya y Velázquez viajan a China desde Museo del Prado
- Karol G y Feid, grandes triunfadores de los novenos Latin American Music Awards
- El Rey pone en valor la pujanza del español por su “naturaleza abierta y potencial ilimitado”
- El sector de la museología reivindica su papel como agente de dinamización de la cultura, el crecimiento económico y el desarrollo sostenible