La Nueva España

La Nueva España

Contenido exclusivo para suscriptores digitales

Escolinos | El suplementu de la xente menudo

El Muséu del Pueblu d’Asturies acueye la VIII edición del alcuentru añal de “Reciella”

Families pol asturianu organiza el prósimu día 2 d’ochobre una xornada d’ociu, deporte y actividaes n’asturianu

Una de las actividaes de “Reciella” en 2019. | A. G.

“L’asturianu sal con nos”, esi ye’l lema col que “Reciella”, Families pol asturianu, vuelve a les actividaes. La pandemia y la situación sanitaria obligaron a suspender delles actividaes y una d’elles foi el nomáu “el día de la reciella”, nel que los neños y neñes son protagonistes d’una xornada d’ociu, deporte y milenta xuegos pa tola familia nos que l’asturianu ye la llingua vehicular. Esti añu, va facese “el día de la reciella” el prósimu 2 d’ochobre en el Muséu del Pueblu d’Asturies de Xixón.

“Tendría que ser la IX edición pero en 2020 nun se pudo facer pola situación sanitaria, tampoco fadremos en 2021 la Entaína, que ye una carrera qu’abría la xornada y vamos adaptar les actividaes a los protocolos sanitarios”, dixeron dende la asociación qu’axunta a families que quieren pasar el testigu a les sos criatures cola fin de que l’asturianu pase de xeneración en xeneración.

El día de la Reciella naz en 2013 y suel desendolcase el primer fin de selmana d’ochobre, como ye el casu d’esti añu.

D’entós pa acó, tolos díes de la Reciella tienen la so banda sonora. N’otros años sonara aquello de “Espoxiga”, y de “Préstame pola vida”, ente otres, sicasí la VIII edición vien con un tema de “Xaime Martínez y la familia tradicional”.

El cartel ye obra de Marco Recuero y amuesa a dellos animales falantes d’asturianu qu’animen a los más pequeñiños de casa y a les sos families a participar na actividá el prósimu 2 d’ochobre nel Muséu del Pueblu d'Asturies.

Compartir el artículo

stats