Escolinos | El suplementu de la xente menudo
Los neños asturianos entamen el Samaín
La recoyida de castañes y la decoración de calabaces inunden yá los colexos, onde bruxes y pantasmes nun van faltar a la cita
Concursu de calabaces con neños de primeru de Primaria del colexu Eduardo Martínez Torner de Xixón, que posen cola coordinadora del programa billingüe, Noelia Anseán, y la profesora Ana Romero. | D. Á. / S. C. / A. P.,
S. C. / A. P.
Los escolares asturianos enfótense estos díes en decorar los sos colexos colos motivos propios de la fiesta más apavoriante del añu, el Samaín, como la llamamos n’Asturies, onde, dende siempre, hubo tradiciones qu’agora se tán recuperando ente pequeños y grandes y que n’Estaos Xuníos llamen Halloween. Y ye que, como esti añu la nueche del 31 d’ochobre cai en domingu, los pequeños de la casa van andar de folixa por partida doble, primero nos sos centros escolares y, llegada la fin de selmana, colos sos amigos y familia. Asina, por casu, los escolares del colexu públicu Virgen del Fresno, en Grau, van aportar el xueves amarutaos y cola so propia escoba de bruxos pa participar nel concursu a la meyor fecha con materiales reciclaos. Nun queden atrás los alumnos de los colexos de Cangas del Narcea. Nel Alejandro Casona, decoráu hasta’l detalle con personaxes “apavoriantes”, celebren el xueves el “Hallogüesto”, amás del sestu concursu de calabaces, un certame que tamién entamaron los piquiñinos del colexu Eduardo Martínez Torner, de Xixón. Los neños y neñes del CRA d’Onís y del colexu San Félix de Candás tamién anden estos díes decorando con ilusión los sos coles pa disfrutar celebrando la fiesta de Samaín, conocida tamién como la Nueche de Difuntos n’Asturies y onde davezu se poníen güeyos y boca a les calabaces, con una vela prendida dientro d’elles p’asitiales depués nos cruces de caminos p’axorizar pela nueche a los vecinos... ¡y vaya si apavoriaben!
Tamién nesta nueche ye tradición beber sidra dulce y comer castañes asaes y que los neños vaigan peles cases pidiendo comida, anguaño dulces. La que tamién va salir esta terrorífica nueche ye la procesión de la Güestia, almes en pena cubiertes por sábanes blanques, caminando na escuridá con güesos encendíos como veles y faciendo sonar, pa que t’escuendas, una campanina mientres dicen aquello de: “Andái de día, que la nueche ye mía”.
¡Qué mieu!
Preparativos y adornos pal “Hallogüesto” del colexu Alejandro Casona de Cangas del Narcea. / S. C. / A. P.,
Escolares del CRA d’Onís recueyen castañes pal so amagüestu. / S. C. / A. P.,
Un alumnu del colexu moscón Virgen del Fresno prepara la so escoba. / S. C. / A. P.,
Dos alumnos del colexu Teodoro Cuesta de Mieres, al pie d’una cadarma vistida de bruxa. / S. C. / A. P.,
Preparativos del Samaín nel colexu San Félix de Candás. / S. C. / A. P.,
- Vuelve a Asturias la gran tienda outlet de marcas Cortefiel, Pedro del Hierro, Women’secret, Levi’s o Jack and Jones, entre otras
- Colas en Decathlon para hacerse con la nueva bicicleta de montaña eléctrica que tiene una rebaja de 400 euros por tiempo limitado
- La nueva gran plaza de 2.000 metros cuadrados que está a punto de inaugurarse en el centro de Oviedo
- El 'moderno' supermercado que reabre sus puertas en Oviedo para alegría de los clientes: 'Las secciones de panadería y frutería incorporan el formato de libre servicio
- El éxito de un mercadillo navideño en una localidad muy alejada del centro de Asturias que tiene lista de espera: 'Empezamos con 50 puestos y este año tuvimos que cerrar en 100
- Los restaurantes asturianos, a rebosar de reservas hasta enero, detectan un cambio en las costumbres: 'Ahora arrasan las comidas en vez de las cenas
- ¡La Vuelta Ciclista a España, cerca de abandonar su región fetiche!: desde 2009 había pasado sin interrupción por la tierra del Angliru y Lagos de Covadonga
- Las razones de la fuerte eclosión de la colonia balear en Asturias: 'Las islas están masificadas, el norte es tranquilidad
