La llingua asturiana yá tien los sos primeros "olímpicos"
L’Academia entrega los premios de la primer edición del concursu de redaición "Urbano Rodríguez" a escolinos de Secundaria, Bachilleratu y Primaria
Finalistes de Secundaria: Álvaro Ordóñez, Vidal Quidiello, Lucía Doce, Xulia Antuña, Alberto Antuña, Favila Velasco, Naiara Suárez, Nerea Menéndez y Carla Bote. / Uviéu, Illán García
La llingua asturiana tien falantes, escritores, académicos y, dende va delles selmanes, tamién "olímpicos". Son estudiantes de Primaria, Secundaria y Bachilleratu que participaron nel primer concursu de redaición que lleva’l nome de Urbano Rodríguez, académicu de la llingua, que morrió en marzu de 2022. La Olimpiada escolar axuntó alumnáu de dellos centros asturianos, que pasaren delles prebes enantes de la gran final, na sede de l’Academia de la Llingua Asturiana, na cai del Águila d’Uviéu. Ehí, Xulia Antuña Ezama, del IES Santa Bárbara de Llángreu, algamó’l primer premiu na categoría de Secundaria y Bachilleratu. El navetu Favila Velasco Benavides, del IES Peñamayor, foi segundu. En Primaria, el primer premiu quedó n’Uviéu y foi pa la escolina Daniela González Villota, del colexu públicu de San Cloyo, y el segundu viaxó pa Bimenes, pa Gadea Iglesias Coto, del colexu de Martimporra.
Los finalistes de la Olimpiada de Primaria: Daniela González Villota, Diego Menéndez, Valeria Riestra Valdés, Gadea Iglesias Coto, Fabián Montes Escobar y Adrián González Pidal. / Uviéu, Illán García
Cada categoría tenía la so dificultá. Si na de Secundaria los participantes de la final teníen qu’escribir sobre alimentación, nutrición y costumes de vida saludable, y con un testu nel qu’apaecieran les pallabres "tán" y "tan", amás de "xinta", "sicasí" y "dafechu" y un neutru de materia, los de Primaria habíen cuntar una hestoria basada nunes viñetes na que teníen que nomase un día de la semana, les negaciones "non" y "nun" y les pallabres "suañu", "portiella" y "molín".
Alumnáu de Secundaria, na preba de la Olimpiada de redaición. / Uviéu, Illán García
Con eses blimes, los "olímpicos" afondaron nel so maxín y armaron testos bien afayadizos. Los ganadores recoyeron los sos premios el pasáu 21 d’avientu, el mesmu día que l’Academia de la Llingua Asturiana entregó los sos obres premiaes del certame d’investigación, como’l de recoyida de material toponímico oral, que foi pa Xabiel Fernández y Lena Valladares; el de propuestes de terminoloxía especializada, que ganó Víctor Suárez; el de recoyida de material lliterario inédito, a Adrián Martínez; el de recoyida, trescripción y estudiu de testos orales, que recibió Claudia Elena Menéndez, y el de documentalismu sociocultural curtiu, que llevó Pablo Cueto. Y dende esi día l’asturianu tien tamién "olímpicos",
A piques d’empezar la preba de Primaria. / Uviéu, Illán García
- Buenas noticias para los pensionistas: el regalo de 2.000 euros que van a recibir por la declaración de la Renta
- Eva González reaparece con el hombre de su vida: encontrar de nuevo el amor
- Nuevo concursante en Supervivientes: Arantxa del Sol, responsable de la entrada de un nuevo fichaje
- Ana Soria habla de su gran día con Enrique Ponce: "Se me acelera el pulso cuando pienso en lo poquito que queda
- Crónica de la visita de Sánchez al HUCA: un escenario de diseño, un anuncio sin impacto en Asturias (y sin preguntas), un grito soez y selfis con las fans
- El campamento de personas sin hogar que no para de crecer en Gijón: "No molestamos a nadie
- Adiós a Carmen Borrego: la decisión de su hijo y su pareja que supone su fin en televisión
- Un control de alcoholemia a un conductor en Avilés acaba con dos pasajeros detenidos por acometer contra los agentes
