Biltos del vieyu mundu rural afitáu n’Avilés
"Escontra’l raigañu" entama una visita con rapacinos del colexu d’El Quirinal pa desplica-yos los instrumentos y la vestimenta tradicional amás de la vida nos pueblos va cuantayá
El músicu David Varela saca’l curdión y desplica que tien "unos doscientos años". Enantes tocó una xiblata de cañavera y una gaita. Y la reciella, bien sollerte, sigui’l ritmu del compás con palmes. Son de Tercer cursu del colexu d’El Quirinal y tan nel taller qu’"Escontra’l raigañu" entama na so aula didáctica, onde hai tiempu pa esfrutar colos instrumentos tradicionales y tamién col llar, la vestimenta, les presees y dellos vezos y costumes d’esa Asturies enraigonada y apegada a lo rural.
La intención d’estes clases ye que medren biltos nos rapacinos en forma de conocimientu que-yos permita conocer otres rialidaes como qu’el llar al fueu yera la vitrocerámica d’angüañu y que’l llechi nun vien en tetrabricks sinon que ye’l procesu depués de catar vaques. Y asina dellos exemplos qu’a dellos rapacinos dexába-yos ablucaos. Otros xugaben con sorna y nun yeran capaces d’atalantar que va tiempu nun esistíen les neveres nin les llavadores y nin siquier, los baños. "A mexar, vamos al práu", dicía Rosa Cuervo, que facía el papel d’un filandera de va cuantayá.
El viaxe al pasáu principia con una amuesa d’instrumentos musicales. Y Varela saca a tocar la percusión a Samuel Tejerina y Lola Menéndez. Demientres, el restu da palmes.
Per otra banda, nel tercer pisu de la plaza Mayor de Llaranes, ta l’aula didáctica y ehí ta Rosa Cuervo, de filandera, y desplicando que nesa Asturies "na que vive" nun hai supermercaos sinon mercaos y ún per selmana, onde hai trueque y el pan faese en casa. Daqué nun cambió dafechu como los amagüestos o los romeríes.
N’otru aula ta Feli Prieto. Ye la encargada de desplica-y a la reciella del Quirinal les partes del traxe tradicional al traviés de dos personaxes como Lena y Xabel. Fala tamién de la puya’l ramu al tiempu que dellos neños decátense de lo son los perendengues, les sayes, la faltriquera y que’l vestíu nun ye’l mesmu si ye pal llabor nel campu o dir de romería. Y ente too, los rapacinos participen en dellos talleres y deprenden daqué más d’esa Asturies rural que ta en desaniciu.
- El alcalde de Madrid regresa con su mujer de luna de miel y confirma el embarazo: "Hay ganas
- Adiós a Erundino de El Cazador: Borjamina, de los Mozos de Arousa, arrasa en el concurso de TVE
- El dolor de Alejandra Rubio tras el adiós a Carlo Costanzia: "Acciones legales en los juzgados
- Adiós a Carmen Borrego: la decisión de su hijo y su pareja que supone su fin en televisión
- Preocupación por el estado de salud de Amor Romeira tras el incidente que sufrió en la Feria de Abril: "Tengo el brazo hecho polvo
- Cazorla se abre con Sid Lowe: “El Oviedo me hizo una buena oferta y mi mujer dijo: ‘No, no; no vuelves para ganar dinero, sino para ayudar”
- Adiós a Ángel Cristo: la advertencia que recibe estando en Supervivientes
- La funcionalidad secreta de la lavadora que muy poca gente conoce: el botón que mejora los lavados