Un proyeutu pa facilitar l’aprendizaxe del alumnáu
El colexu Príncipe d’Asturies, sobresaliente n’accesibilidá
El centru del barriu xixonés de La Calzada desarrolla un proyeutu de comunicación multimodal p’afayase a tol alumnáu: "Inflúi nel so estáu d’ánimu"
El colegio Príncipe de Asturias de Gijón fomenta la accesibilidad (en imágenes) / Ángel González
El colexu Príncipe d’Asturies de Xixón, nel barriu de La Calzada, tien un oxetivu mui marcáu, ser lo más accesible posible. Y escuérrelu con un proyeutu d’anovación sobre accesibilidá cognitiva, sensorial y física que tien nel llinguaxe multimodal la so otra gran baza. El propósitu de les múltiples actividaes que se desarrollen verbalízalu la direutora del centru, Matilde Prieto. "Queremos facilitar l’aprendizaxe del alumnáu", asegura.
De pies, pela izquierda, Miriam Castro, Sami Kaoutari y Alicia Fernández. Enclicaos, Eneko Díaz y Enol Solar. / Ángel González
La creación de cartelería y materiales pa impulsar l’accesibilidá del colexu o l’espardimientu de distintos códigos comunicativos figuren ente les actuaciones que recueye la iniciativa, financiada pola Conseyería d’Educación per aciu d’una subvención y a la qu’inda-y queden capítulos por escribir. Por casu, ellaboráronse xuegos con instrucciones accesibles y un llinguaxe cenciellu por que dellos perfiles d’estudiantáu participen. "La meyora pa les persones con dificultaes ye una meyora pa toos", sorraya Ana Alonso, xefa d’estudios.
Pela izquierda, Ahmed Ben Elmaati, Omar Senhaji, Bruno Díaz y Rongqi Qiu, xugando al futbolín nel patiu del colexu Príncipe d’Asturies. / Ángel González
¿Qué dificultaes? Pos lo mesmo seyan necesidaes educatives especiales o discapacidá visual o auditiva. O inclusive dificultaes pa la llectura o escritura. El colexu Príncipe d’Asturies, amás, destaca pola so "multiculturalidá", polo qu’hai alumnos que falen dellos idiomes. D’ende la intención del centru de fomentar un llinguaxe que toos puedan entender, les parés del edificiu tienen un altu componente visual, con numberosos dibuxos ya imaxes. Tamién se fexo un cantar –cola lletra inventada polos alumnos– que fala de la playa del Arbeyal y del cuidáu del mar. El llinguaxe de signos vien incorporáu nel videu, y Moisés Cima fae d’intérprete nel aula pa que nengún guah.e quede ensin disfrutala.
Pela izquierda, Christian González, Lucía Álvarez, Liticia Betunga, Martín Ibáñez, Jonathan Julmax Ntountani, Arantxa Camacho, Dylan Ordóñez, Ethan Morilla, Samira Alejandra Albarracín, Leire de Prada y Yeray Peón. / Ángel González
"Tomamos conteníos curriculares dende distintes perspeutives", comenta Ana Alonso, que valora’l "pasu xigantescu" del profesoráu na so "capacidá d’adaptación". La "empatía" ye ún de los aspeutos que’l proyeutu potencia. "Pa ellaborar xuegos, los neños tienen d’entamalos pensando en cómo los pueden entender los demás", insiste Alonso, que tamién reivindica que d’esti xeitu aumenta la "creatividá".
Un grupu d’estudiantes, xunto al orientador educativu David Noriega, nel "Muséu de los Oxetos" / Ángel González
La señalización nel cole foi una constante nel proyeutu. Como nel patiu, onde unos cartelos rescamplen les normes pa xugar al futbolín. "Son sofitos visuales qu’encamienten a lo cognitivo", indica Matilde Prieto, qu’empondera l’acoyida que tuvo ente los alumnos les actividaes. "Tán encantaos, participar inflúi nel so estáu d’ánimu", asevera la direutora.
Tamién se creó un "pasapalabra" con material recicláu. Y al ser un colexu con estudiantes de delles nacionalidaes, tán entamaes distintes actividaes pa conocer diversos países, asina como les sos cultures, tradiciones, personaxes relevantes o traxes típicos. "Ye bien prestoso", diz l’alumnu Eneko Díaz, mientres observa un mapa mangáu nuna paré pel que’l centru "viaxa". Coles mesmes, eslluma un "Muséu de los Oxetos", enxaretáu nel proyeutu "Buscando la clave", nel qu’una ventena de guah.es tuvieron qu’indagar en dalgún oxetu de la so eleición. "Enconta nel conocimiento mutuu, la interaición, la sociabilidá y el venceyu ente les capacidaes de los neños", valora David Noriega, orientador educativu. El Príncipe d’Asturies nun quier dexar a naide atrás.
- Así es el nuevo Autoservicios Familia que acaba de abrir en Gijón
- La estación de esquí de Pajares lleva dos días cerrada por las bajas del director y del jefe de explotación
- Momento para la historia en Pasapalabra: Rosa canta 'Me enamora' y Manu se emociona
- Melendi bromea sobre sus gustos futbolísticos: “Si no existiera el Oviedo… del Sporting no iba a ser, igual del Avilés”
- La millonaria inversión que una empresa de placas solares anuncia en Gijón y los miles de empleos que creará
- Roban en la panadería de San Pelayo, en Grado, a plena luz del día, y se llevan la caja registradora
- El Hospital de Avilés estrenará en primavera un proyecto pionero en España (pero ya conocido en la Grecia Clásica)
- Las claves de la reforma del IRPF en Asturias: se modifican los tramos para beneficiar “a las clases medias trabajadoras”
Saca tu lado más creativo en la cocina con el Espacio 360 de masymas
