La güerta ecolóxica del Virgen del Fresno de Grau sema bona grana
Cenahoria, calabacín, cebolla, berza o fresa son dellos de los cultivos que tien el colexu públicu nun de los sos proyeutos con más ésitu
Escolinos trabayando na güerta. / C. P. V. F.
Añádenos en Google
Cenahoria, puerru, calabacín, cebolla, pataca, berza, remolacha, acelga, llechuga, freses, arbeyos, penques... Too esto y dalguna cosa más hai na güerta ecolóxica escolar del colexu públicu Virgen del Fresno, de Grau, una iniciativa que ye una de les actividaes más esitoses y con más raigañu nel centru moscón, onde ta a cargu’l profesor Juan Garrido Menéndez, docente amás d’Educación Física.
Alumnos d’Infantil, de 5 años, cola collecha de la güerta pal comedor, y col cocineru José Luis Isidro Marrón. / C. P. V. F.
Nel proyeutu de la güerta participen tolos estudiantes, de primeru a sestu de Primaria y tamién los d’Infantil. "Vienen de tolos cursos, tamién con más profesores, y la idea ye que baxen cuando menos una o dos vegaes al trimestre, que planten delles coses, que collaboren nel caltenimientu, y la verdá que toos lo faen perbién", destaca Garrido.
Dellos rapacinos trabayen la tierra na güerta. / C. P. V. F.
Diz, al tiempu, que se trata d’una güerta ecolóxica onde se trabaya con saberes tradicionales y siempre con productos naturales que s’usen pa fumigar o prevenir la comezón. Lo que se collecha va al comedor escolar, con cocina propia dende siempre.
Cascos de güevu y posos de café
"Equí vemos, por exemplu, coses como que los cascos de güevos torguen la entrada de los cascoxos, que los posos de café sirven pa fumigar o que les plantes arumoses pueden tener, amás d’un usu culinariu, utilidá pa combatir la comezón. Ye cosa tamién de que tengan la posibilidá depués de dir a casa de los güelos ya integrase más", fae’l docente, en referencia a que coles families pueden compartir o afondar no que s’apriende nel cole sobre cómo trabayar la tierra y cuidar los sos frutos.
El profesor Juan Garrido Menéndez, responsable del proyeutu, na güerta del colexu / C. P. V. F.
Nun falten allegres espantayos alredor de la güerta, onde s’esperimenta amás con bancales pa ver cómo se desarrollen les plantes nunos o n’otros en función del tipu de tierra na que crecen. La esperiencia resulta bien gratificante lo mesmo pa los escolinos que pa los docentes, al traviés d’un proyeutu qu’integra a tola comunidá educativa y trabaya dende va munchos años cola grana del conocimientu del entornu, la educación ambiental, los saberes tradicionales, la cultura y les formes de vida de siempre nel conceyu.
- Mañana se esperan colas kilométricas en Lidl para el set de dos almohadas más baratas del mercado: por solo 4,99 euros
- Mañana se esperan colas kilométricas en Lidl para conseguir la batidora de pie de diseño en madera más potente del mercado: con 5 niveles de velocidad de alto rendimiento
- Multa de 200 euros después de rellenar el depósito con diésel tras la bajada de precio: la Guardia civil extrema la vigilancia
- Mañana se esperan colas kilométricas en Lidl para conseguir el set de bádminton más barato del mercado: disponible por menos de 10 euros
- Mañana se esperan colas kilométricas en Lidl para conseguir la tostadora más potente y barata del mercado: con 8 niveles de ajuste y un soporte para panecillos integrado
- Cazado un conductor a 217 km/h en un tramo de 120 en Cangas del Narcea: la Guardia Civil intensifica los controles contra las carreras ilegales
- Revés para la DGT y reembolsos de 300 euros: devolución de las multas de velocidad tras la sentencia judicial
- Detenido un hombre en la calle Corrida de Gijón por matar a una gaviota que 'les estaba molestando' en una terraza
