04 de mayo de 2010
04.05.2010
 

Arte y ensayu

04.05.2010 | 02:00
Arte y ensayu

Xugábemos a facer películes


na tarde incierta,


a confundir momentos con escenes,


a planificar la midida de la guapura,


a cuantificar el tiempu del dolor


Facíemos películes coles nuestres vides


¿sesión continua d'inconsciencia?


pa ser a algamar a onde solo algama


la mano perfecta y fatua de la ficción,


p'asomamos a los precipicios


porque asina lo mandaba'l guionista,


facedor remotu y cruel de la risa


Y aquella orquesta invisible y certera


improvisando febrilmente


una banda sonora


Xugábemos a facer películes


na tarde incierta.


Será por eso que lo recuerdo


too en blanco y negro.


Amor, somos un clásicu del desamor.


La culpa y la lluz

Pablo Texón Castañón


(Felechosa, 1977) ye profesor de Lengua Castellana y Literatura y de Llingua Asturiana. Tien publicaos los poemarios «Toles siendes» (Premiu «Nené Losada Rico»; Trabe, 2005) y «La culpa y la lluz», (Premiu «Teodoro Cuesta». Trabe, 2008), amás del llibru de prosa (Catedral, Ámbitu, 2006) y una traducción d'August Strindberg al asturianu: «Xulia» (Ámbitu, 2006), representada por «Teatro Margen». Escribió lletres pa músicos como Alfredo González, Toli Morilla, «Dixebra» o «Verdasca».

Compartir en Twitter
Compartir en Facebook