-¡Panda de mataos, se van a cagar?!
-¿Ya tamos? ¿Cómo ye lo tuyo, Colás?
-¿Por?
-Paez que vives pa despreciar.
-¡Tamos rodeaos, Marisa! ¡Esto ye una vergüenza!
-¿El qué ho?
-¡Too! ¡Menos mal que toi aquí yo! ¡Verás! ¡Esti carapijo va flipar!
-¿Quién?
-¿Ventajista ye con uve?
-¿Eh?
-¿Y caradura ye con ka?
-¡Por favor te lo pido, Colás! ¡Déjalo ya!
-¿Cómo lo voi dejar? ¡Voi canta-yos les cuarenta! ¡Panda de sinvergüenzas!
-¿Ónde saques esi rencor? ¡Puf, dichosu ordenador!
-¿Tengo yo culpa de tar rodeau de pelamangos?
-El casu ye llevar la contraria, putear.
-Verás.
-A ti lo que te presta ye crear mal rollu, hala, ¡la bronca virtual!
-Sí ho.
-Lees los periódicos pa enfadate, solo te quedes con lo malo.
-Home,va.
-¡Ay Colás! ¡A ti matote la jubilación!
-¿Por?
-En la mina trabayaste de postiaor y ahora pones tu odio en cada post.
-Nun toi d'acuerdo con nadie. ¿Qué quiés que faga yo?
-Desayunas, sienteste ahí y empieces a repartir hosties? ¡Yes un hater!
-¿Un qué ho?
-Préstate ser odiau. Y por eso yes odiosu con too y con toos.
-Sí ho.
-Lo mismo y-das a Rajoy que al Pitu, Generelo o Lady Gaga.
-Porque tengo los güevos de deci-yos la verdá.
-Si tienes tantos güevos, ¿por qué nunca das la cara?
-¿Qué qué ho?
-Un día yes la Abeja Maya, otru día Pikachu xusticieru, al siguiente Willy Foo...
-¡Ye pa despistar ho!
-Mira, Colás, yo nun pueo con tanta negatividá.
-¿Qué guerra te doi, Marisina?
-¡Tas amargau y quies amargame a mí!
-Calla ho. Ye pa tar entreteníu...
-¿Nun te da vergüenza? ¡Después de vieyu, troll!
-¿Qué qué ho?
-Pases el día por la red tocando los güevos a todiós.
-Algo hai que facer, ¿no?
-Y de noche poneste a ver la tele con el móvil pa tuitear con mala leche.
-Ye que la tele ye una mierda. ¿O vas decime que no?
-¿Pero hai algo positivo en tu vida ho?
-Si les coses fueran como tienen que ser?
-¡Anda, deja esi ordenador de una vez!
-¡Que no, Marisa! Los foros echan fumo. ¡Si nun toi aquí yo?!
-¡Ja! Habló el centro de gravedá del universo digital.
-¡Hai mucho sabiondu! ¡Verás! ¡Se van a cagar!
-¡Ay Dios! ¡Después de vieyu, troll!
www.parandoenvillalpando.com
