-¿Viste lo que diz esti, ho?
-Tien razón, oye. Acabense les perres pa pagar la pensión y?
-¿Qué?
-¡Coime! ¿Qué ye, que nun la quies cobrar?
-Home, claro que quiero cobrala, ¡pero vivu! No te fastidia?
-Bah, con lo que aumentó la esperanza de vida nun hai problema.
-Lo que aumentó ye la desesperanza de vida.
-¡Vaya ho!
-Tan empeñaos en matanos a disgustos, Arcadio.
-Exagerau yes...
-Y pa garantizar el futuro de les pensiones van facer coincidir la jubilación con la fecha de fallecimientu.
-¡Calla ho!
-Vamos pasar de la caja de seguridá social a la caja de pino.
-¡Qué va ho, qué va! Van facelo con flexibilidá.
-Sí ho? ¡Nun vamos poder doblar!
-¿Los turnos?
-La cintura, Arcadio. Ya toi jodíu ahora. Imagínate a los 70?
-Bah.
-Yendo a fichar con el tacataca? Y en los asilos verás qué follón.
-¿Por?
-Muchos empleaos van paecer residentes.
-Déjate pijaes, Ramonín. Aznar tien razón, reconozlo hasta el mi sobrín.
-¿El tu sobrín?
-Sí ho. Diz que ta bien trabayar hasta los 70, incluso trabayar ahora con 43.
-¡Home va, trabayar ahora tenía que prestar!
-Diz él que por eso retrasen la edá de jubilación.
-¿Por qué ho?
-¡Coime! ¡Van a danos más años pa seguir buscando trabayu!
-¡Ay amigo!
-Él ta esperando por si a los 60 lu llamen pa una entrevista de trabayu, tirar hasta los 65 con contratu de becariu y luego ya?
-¡Home, visto así?! Nun ye d'extrañar que Matusalén llegara a los 969 años.
-¿Por?
-Igual y-faltaben varios meses de cotización.
-¡Ah, nun te diría yo que no!
-Aznar nun da puntá sin hilo, fue un gran trabayaor.
-Conseyeru, asesor, conferenciante?
-¡Y con sueldu vitaliciu!
-¡Así vese too diferente ho!
-La vida ye una película mui corta, ¿oíste?
-Y van jodenos hasta el final, ¡los títulos de crédito!
-Hala, vamos, que tengo'l culo dormiu.
-Sí, selo yo.
-¿Tu? ¿Por?
-Ya lu oí roncar tres veces, gochón.
-¡Vaya ho! Qué finu yes?
-Hai que tomalo a risa? ¿Qué quies?
www.parandoenvillalpando.com
