DTO ANUAL 27,99€/año

Contenido exclusivo para suscriptores digitales

Maxi Rodriguez

Parando en Villalpando

Maxi Rodríguez

Salvemos San Valentín

¡Tiren sus agendas!

Salvemos San Valentín

Salvemos San Valentín

–Apúntalo na axenda, Amalio.

–¿Pa qué, ho?

–¡Coime, hai que planificar!

–¿En tres semanes? ¿Qué sé yo ónde voi tar? Y tú, igual.

–¿Por?

–¿Taremos superando un picu, allanando otra curva, potando n’una rotonda?

–¿Qué dices?

–Tal y como va la cosa, lo mismo ascendemos la cuarta qu’esguilamos el quintu repunte de la tercera ola.

–¡Ye San Valentín, vida!

–¿Y qué quies planificar, Teresina?

–¡Quesiyo! Unes flores, una mascarilla decorá, una cenina, lo normal…

–¿Ónde, ne? D’equí a allá con tantes restricciones, con tantu cierre perimetral, vas facer merienda-cena tú solina, en casa encerrá.

–Nun seas negatrón.

–Ye la Ley de Murphy, Teresina.

–¿Que qué, ho?

–Si algo pue salir mal, saldrá peor. Dígotelo yo.

–¡Ay calla!

–El bichu desatáu, la cepa más mortífera, militares y concejales vacunándose a lo zorro…

–¿Qué, ho?

–La peña, Tere, pinchándose a escondíes como en los ochenta, ¿daste cuenta?

–Bueno, pero...

–Por no hablar del culín.

–¿El qué, ho?

–¡Ni que les vacunes tuvieren “madre” como la sidra!

–¿Qué dices?

–¡Si nun usen la jeringuilla adecuá nun puen aprovechar el últimu culín! ¡Eso cai de caxón!

–Traquilu, ho.

–El Murphy esi, Tere, que ye un cabrón...

–¡Bah! Pues yo tópome genial.

–Ya se te pasará.

–¡Ay Amalio, por favor…!

–¡Tamos fartos ya! ¿Nun ves cómo ta la xente, con qué agresividá…?

–Un día más, un día menos.

–Borrachos en patinete eléctricu, fiestes ilegales, negacionistas de la nieve…

–Ya escampará.

–Sí, ho. Nun ganamos pa borrascas: Filomena, Hortensia, Ignacio… Paez la lista de la mi clase de tercero de EGB.

–Saldremos más fuertes, Amalio, acuérdate de la campaña del Gobierno.

–¡Coño, en eso acertaron!

–¿Por?

–España, el país européu onde más engordó la xente durante la pandemia.

–¿En serio?

–Cuatro de diez españoles subimos de pesu, seis quilos de media.

–Mucho ye la mala hostia, Amalio.

–Claro, Tere. Vamos tragando, vamos tragando…

–Yo llegué a un puntu que val más saltame que rodeame.

–Tas bien guapa, vida. Si nun fuera por lo que ye, sacábate a bailar.

–¡Ay bueno…! Tú apúntalo na axenda, Amalio.

–Qué va, Teresina, qué va. Nun pueo planificar.

www.parandoenvillalpando.com

Compartir el artículo

stats