–¿Nun quies dir a Llaviana, Marisé?
–No. Yo voi a Marte.
–Y yo a ti, muyer.
–¡Pa siempre!
–Di que sí, Marisé. ¡Como tien que ser!
–Nun lo pillasti.
–¿Qué?
–¡Que me piro, Tonio! Tiénesme constreñida, dígotelo como lo siento.
–Pero...
–¡Uf! Paselo fatal nel confinamiento. ¿Llevaré algo d’entretiempu?
–¿A mí qué me dices?
–Tienes que sabelo. Los homes sois de Marte, les muyeres somos de Venus.
–¿Que qué, ho?
–Ta medio vacío, nun llevo fociqueru.
–¿Pero qué me tas contando?
–Ye la única salida que veo. Ye mui guapo, tipo Lanzarote, pero sin guiris.
–¿Quién lo dijo?
–El “rover”.
–¿Qué Robert, el camarero?
–No, coño, el “Perseverance”.
–¿Quién, ho?
–Mira, Tonio. Vamos danos un tiempu, usar la tecnología pa salvar lo nuestro.
–Tas viniéndote mui arriba, guapina.
–¡Y más que voi dir, guapín!
–¡A vosotres danvos un puquiñín de movilidá y halaaaaaaa...!
–¿Qué?
–Coño, Mari. Una cosa ye saltar el cierre perimetral, dexar de tar en alerta 4+, y otra...
–Lo que yo fago: ¡escapar de la gravedá!
–¿Qué, ho?
–En Marte, seguro que nun ye too tan grave.
–¿Tú qué sabes?
–Oye, por probar...
–¿Pero qué cojona quies probar?
–El auténticu planeta roju. ¡Vivir sin facherío, en libertá!
–¡Ai, Marisé, tú tas mui mal! ¡Pero fatal, eh, fatal!
–¿Y los demás?
–¿Qué, ho?
–Son tiempos revueltos, Tonio. Equí ya nun hai quien pare.
–¡Aguanta, Mari! ¡Tamos aplanando la curva!
–Yes robóticu y de la cuenca, Tonio. Y yo ya nun sé ni quién soi.
–Yo quiérote, Marisé.
–Mira, Tonín...
–¡¡¡Quiero desescalar xunto a ti!!!
–¿Pa qué? ¿Pa terminar riñendo como en fase 2 y fase 3? ¿Pa romper en la ola que vien?
–Ya nun habrá más oles, vida.
–Sí, ho. ¡Qué fácil lo ves too!
–Yo aguanto, Marisé. ¿Oíste, ho?
–¡La que nun aguanta soi yo!
www.parandoenvillalpando.com
