La Nueva España

La Nueva España

Contenido exclusivo para suscriptores digitales

Maxi Rodríguez

Parando en Villalpando

Maxi Rodríguez

Lo que nos faltaba

Y ahora, cambio de hora

–¿Cómo traes esa cara, Ramonín?

–Ye la que tengo.

–¡El cambiu horariu, eh!

–Puf, toi negru.

–Normal. Quitonos una hora de sueñu.

–Si solo fuera eso...

–¿Entós?

–Toi gachu, cansáu, nun me concentro...

–¡Tamos toos igual! Un añu de pandemia, ¿qué quies?

–Ya, pero...

–¿Nun viste que ya ta la xente saltando en paracaídas pola ventana?

–Mientras haya paracaídas pa toos...

–¡Ánimo, ho! Ya queda menos.

–Ye que nun descanso, Ricardo, esti rollu pandémicu ta jodiéndome hasta los sueños.

–¿Entós?

–Antes soñaba con la Pfeiffer.

–¿La vacuna?

–No, coño, Michelle Pfeiffer. Tenía sueños eróticos con ella pol Caribe, la Capadocia, el Iguazú... Pero desde que mangaron el cierre perimetral...

–¿Qué?

–Quitáronme la movilidá hasta pa soñar.

–¿Cómo ye, ho?

–Que tengo sueños húmedos sin salir de Laviana y ando cola libido descontrolá.

–¡Mecagonrós! ¿Entós?

–Tengo encuentros con pites, perrinos, corzos, raitanes...

–¿En serio?

–¡Uf! Pégome unos revolcones nel gallineru...

–¿Zoofilia, Ramonín?

–Nun quieras sabelo.

–¡Madre mía! ¡Tamos guapos! Y encima, sin poder planificar na.

–Eso ye. Desnortaos, perdíos...

–Como Simeone o Toni Cantó, partido a partido...

–Y ahora, insomnio. Lo que nos faltaba.

–Yo suelo aprovechar la fase REM pa consumir en terraza, porque como me dé por desescalar en sueñu ligeru ya se jodió.

–A mí sí suel pillame’l toque de queda en fase cuatro.

–¿Fase cuatro?

–Sí, en sueñu profundu, toi chumando hasta les once o así.

-¿Pero nun ye a les diez, ho?

–Equí sí, pero yo sueño que toi con guiris na Comunidá de Madrí...

–¡Ai, amigo! ¡Vaya matu!

–Y voi quedar colos familiares na cai porque en casa nun se pue.

–Y yo. Pero nun sé si quedé a les cuatro de güei o a les cinco d’ayeri.

–Pues tamos los dos guapos.

–¡Puf! Tán cambiándonos hasta los ciclos circadianos.

–Agobiaos, con miedo y sin descanso.

www.parandoenvillalpando.com

Compartir el artículo

stats