–¿Qué, Maricarmen, cómo vos quedó el cuerpo?
–¿Por?
–Vaya partido, eh.
-Ah, sí.
–¡Uf! ¡Vaya bañu!
–Sí, sí. Esi Messi ye tremendu. Los del Bilbao, probes...
–Nun te fagas la lloca, eh. ¡El otru!
–¿Qué otru, ne?
–¿Qué ye, que nun hubo otru partido de tarde, ho?
–Tuvi viendo lo de Rociíto, qué sé yo.
–¡Ja! ¡Unos que nacen otros morirán, unos que ríen otros llorarááááán!
–¿Pero qué cantes, Teresa? ¿Qué me tas cantando?
–¡Al final las obras quedan las gentes se van, la vida sigue iguaaal!
–Faltosa yes, fía.
–¿Qué ye, que nun te gusta Julio Iglesias? ¡La vida sigue iguaaal!
–Tas mui crecidina, Teresina. ¡Mui crecidina!
–¿Paezte, ho?
–Enriba que vos facemos un favor…
–Sí, ho.
–Tuvimos que dejanos pa echavos una mano.
–¡Anda, anda! ¡Que se ponga Mario!
–Nun ta en casa, fía.
–¿Entós? ¿Ónde anda’l mi hermanu, tirose a la bebida?
–Acostose, boba, que nos llamaron pa vacunanos.
–Ah, coño. ¿Qué vos van poner, la de Janssen o la de Johannesson?
–¿Que qué, ho?
–¡Ten cuidao, a ver si vos cambien el códigu genéticu y vos faen del Real Oviedo!
–Tas mui crecidina, Teresina. ¡Mui crecidina!
–No, sí a mí el fútbol nun me da más.
–Ya te veo, ya.
–Ye tan aburrío jugar contra vosotros. Nun sé ni pa qué vos presentáis…
–Bueno, hala…
–¿Vas colgar, ho?
–Vosotros ya cumplisteis, ya podéis bajar tranquilos.
–¿Bajar ónde, Maricarmen?
–¿A ti paezte normal, cuñá? ¿Paezte normal?
–¿El qué, ho?
–¡Namás llames pa putear! ¡Namás!
–Oye, guapina, yo llamo pa charrar col mi hermanu.
–Nun ye buen momento, ta obedeciendo a Gallego, ta pasando’l duelu.
–Ah. ¿Y por qué nun y-pones la canción de Julio Iglesias?
–Diz que vos ficimos internacionales, que’l Borja esi paecía Pelé, que nun jugamos a na…
–¿Ves? “La vida sigue igual”. Ye un tema preciosu...
–¡Vete a cagar, guapina!
–Hai que saber perder, Maricarmen.
–Eso digo yo. A ver si llames cuando subamos a Primera, cuando ganemos el play-off.
–¡Jojojo!
–¿De qué te ríes, Teresina? ¿De qué te ríes, ho?
–¡Jojojo!
–El que ríe l’últimu... Meca, colgó.
www.parandoenvillalpando.com
