–¡¡¡Qué pasará, qué misterio habrá, puede ser mi gran nocheeeeee!!!
–¿Quies callar?
–¡Sube el volumen, coño....!
–Pero, vida...
–¡Enchufa los bafles, ta too pagooo!
–Sabino, por favor…
–¿Qué ye, ho?
–Les tres de la mañana. Y esto paez un after.
–¿Qué quies, música electrónica? ¿Algo de techno?
–¡Algo de mierda pa ti!
–Vaya, ho. ¿Qué pasó?
–Una cosa ye acabar con el ocio nocturno y otra tirase tola noche planchando y poniendo lavadores.
–¡Abre la nevera, Gelita! ¡Saca un par de cerveces!
–Pero…
–¡¡¡Y al despertar ya mi vida sabrá algo que no conoceeeeeee!!!
–¿Quies callar, Sabinín?
–¡Vamos facer un pescadín al horno y poner la calefacción a tope!
–¿A estes hores, ho?
–Hai que dar un giru de 180 grados, Gelita. ¡Como los nórdicos!
–¿Que qué, ho?
–El tema ye olvidase de les hores punta y centrase nes hores llano.
–¿Qué dices?
–¡Geli, tamos rascando euros a la factura eléctrica!
–En vez de tar tomando algo por ahí…
–¿Qué más te da, si nun pues bailar ni hai barra ni na?
–Pero Sabino…
–¡Vete sacando los flexos que tengo que coser un dobladillo y poner una cremallera!
–¡Tas mal, Sabino, tas mal de la mollera!
–¿Tú sabes lo guapo que ye rebajar el preciu del kilovatio, gozar juntinos esti tramu?
–¡Ja! Y luego quítasme de ver el programa de Ana Rosa…
–¿En hora punta? ¡Tas lloca!
–Pero...
–Tú céntrate en programar la lavadora, vida, nun lo voi facer yo too, cagonrós.
–Tengo sueñu.
–Sí, ho. ¡Y pa tar de fiesta no!
–Home, yo...
–Cabeza, Gelita, cabeza. Hai que usar los electrodomésticos con inteligencia.
–Bah, qué más da.
–¿Vas saber tú más que la OCU?
–Puf. Primero la pandemia y ahora esto. Nun hai quien disfrute de na.
–La cosa ye organizase. Mientras nun enchufes el satisfáyer en les hores valle…
–¿Qué dices, Sabino?
–Nel valle la potencia tien que ser menor. Les coses como son.
–¿Qué valle ni qué mi madre? ¿Nun dices que’l amor ye la luz de tu vida?
–Sí, ho. Pero el matrimonio ye la factura que llega depués.
–¡Qué faltosu yes!
–¡¡¡Hoy para mí es un día especial, hoy saldré por la nocheeeeeeee!!!
–Ya te vale, Raphael, ya te vale.
–¡¡¡Podré vivir lo que el mundo nos da cuando el sol ya se escondeeeeee!!
www.parandoenvillalpando.com
