Suscríbete

Contenido exclusivo para suscriptores digitales

Maxi Rodriguez

Parando en Villalpando

Maxi Rodríguez

Velino el vigilante

Autoempleos covid

Velino el vigilante

–¿Qué ye de tu vida, Velino?

–Aquí, Tino, a tope de trabayu.

–¿Trabayu? ¿Nun tas prejubiláu, ho?

–Ya. Pero la pandemia nun acabó.

–¿Y qué?

–Toi de guardia de distancies, Tinín, supervisando tola zona.

–¿Cómo ye, ho?

–La xente nun ye consciente, ¿oíste? ¡Tán como burros!

–¿Por?

–Párense a charrar, métense los unos polos otros... ¡Esto ye un polvorín!

–¡Nunca trabayé tanto como en pandemia!

–¿Entós?

–Empecé de policía de balcón, luego tuve de supervisor tola desescalada...

–¿Supervisor?

–Sí, ho. Controlando cada fase, ya sabes, como nun teas atentu, la xente fae lo que-y sal de los cojones.

–Meca, ¿pero quién te mandó?

–Autoempleo, Lino. Hai que reinventase, emprender… Yo metime pola virología, y aquí me tienes, parando brotes, ¡como si ye a hosties!

–Pero...

–Diome por investigar, y llevo un añu y picu currando pa la comunidá.

–¿La comunidá científica?

–No, Lino, la comunidá de vecinos.

–Ah.

–Fui asesor pal ajuste facial de mascarilla, consultor de vacunes...

–Meca.

–... Orientador de chigre pa minimizar riesgos en terrazas...

–Ah.

–Toi formando a la xente, Tinín, dando charlas...

–¿Charlas?

–Sí, ho. “De Wuhan a Verdicio, toles variantes menos la de Pajares”.

–Pero, bueno, y ahora, sin mascarilla...

–¡Inspector de distancies!

–¿Pero qué ye lo que faes? ¿Pa qué quies el walkie-talkie?

–Toi en contacto col mi cuñáu. Él ta llevando la zona de Gozón, tamos parando brotes entre los dos.

–Pero Velino...

–Hailu que deja la mascarilla en casa, piensen que ye Jauja.

–Bueno, home, qué vas facer...

–Yo voi corriendo detrás: ¡Joputa, el virus mutaaa! ¡Joputa, el virus mutaaa!

–¡Calla, ho! ¿De verdá faes eso?

–Home, claro. Si nun ye por mí y el mi cuñáu...

–¿Nun val más que te relajes, ho?

–Si pudiera, Tino, pero...

–¿Qué?

–Tengo que tar aquí, nun pueo teletrabayar, ye obligatoria la distancia de seguridá. Y lo peor ta por venir, con esti cuentu del veranín...

–¿Por? ¿Qué vas ser?

–Epidemiólogo de prau, a hosties con quien baile agarráu.

www.parandoenvillalpando.com

Compartir el artículo

stats