–¿Rellenaste eso?
–Qué va, Rafa, nun puedo.
–¿Por?
–Mira.
–¿Qué ye, ho?
–Tengo que comprobar que nun soi un robot.
–¿Eh? Ah. Na. Ye una medida de seguridá. Márcalo.
–¿Y si lo soi, qué? ¿Ónde tengo que marcar?
–¿Qué, ho?
–Nun me da opción.
–Pero...
–Diz la mi muyer que tengo nervios de acero, que soi fríu y calculador.
–¿Eh?
–¿Quién te diz a ti que nun soi un robot?
–Home, Licinio...
–Son tiempos chungos pa distinguir humanos de autómatas, ¿oíste?
–Pero...
–Soi una máquina biológica, Rafa. Y tú igual.
–Sí, ho. A mí déjame en paz.
–Tenemos nel celebru una red de conexiones, un sistema complicáu...
–Tas guapu.
–Selo yo. Y gano mucho nun retratu robot.
–Anda, no chumes más.
–Toi conviviendo con robots humanoides, Rafael, y paso más tiempu charrando cola Roomba que cola mi muyer.
–¿Quies facer el favor de marcar esa casilla de una puñetera vez?
–No, Rafa, qué sé yo.
–¿El qué, ho?
–La realidá ye muncho más rara de lo que nos gusta pensar.
–Anda, anda, nun bebas más.
–Tas faciendo un cuestionario, y una casilla date qué pensar.
–Solo quieren saber que quien pulsa ye un paisanu, un humanu.
–¡Y qué sé yo!
–¿Eh?
–¿Quién me diz a mí que nun soi un robot?
–Licinio, haz el favor.
–Somos máquines de reproducción de memes, tenemos robotizaes hasta les fantasíes. ¡Tamos programaos! ¡Ta too programao!
–Vaya, ho.
–¡Aquí manda Google! ¡Esti mundu ye una trampa!
–¿Tú yes bobu?
–A lo mejor nun soi bobu, no, a lo mejor soi un bot.
–Licinio...
–Rafa, pensamos que decidimos pero no, ¡mandan los algoritmos!
–Tú fíate de...
–¿De quién te vas fiar si hasta el grupo “Abba” ye un avatar?
–Puf. Nun se pue discutir contigo, tienes réplica pa too.
–Claro, porque soy un Replicante.
–Di que sí, máquina.
–Selo yo. ¿Pero ónde tengo que marcar?
–Marca la casilla de “no soy un robot”, anda, aunque sea pa disimular.
www.parandoenvillalpando.com
