–¡Que te pires, Luis Alfredo!
–Pero Toni…
–Nun quiero vete más. ¡Hala, a mamar!
–¿Pero a ti qué te pasa? ¿Tú yes gilipollas?
–No, pero soi contactu estrechu.
–¿Qué, ho?
–Toi arrodiáu de gilipollas. Y tú el primeru.
–¿Qué dices?
–Lo siento, Luisín, quiero empezar bien el añu, cortando polo sano.
–Pero...
–Tuvi rastreando tolos mios contactos estrechos y...
–¿Qué, ho?
–No yes mal paisanu, pero...
–¡Soi lo que ves!
–Yá lo sé, Luis Alfredo, yá lo sé, pero pegástime’l virus de la idiotez.
–¿Yo?
–Tú y los demás. Ni siquiera me gusta’l pádel, chaval.
–¿En serio?
–Te lo juro, nunca me dio más. Y nun me faen nin puta gracia los memes y eses babayaes que ponéis nel grupu de guasap.
–¿Qué dices?
–Llevo demasiáu tiempu arrodiáu de fatos, soportando gilipolleces.
–¿Que qué, ho?
–Sois bien oveyas y yo tengo qu’estremar les midíes de protección.
–¿Por?
–¡Soi bien influenciable, Luis Alfredo, d’altu riesgu!
–Ya, pero...
–Y tú yes más tuntu que’l que llevó’l so lápiz al Ikea.
–Soi malu pa mí, ¿oíste?
–Selo yo. Pero si siguimos en contactu estrechu voi acabar llevando calcetos de rombos o faciendo’l pijo en Tik Tok, quésiyo.
–¿Entós cortamos relación?
–El Principáu diz que yá nun rastrea más, asina que tengo que cortar yo.
–Pero...
–L’únicu tratamientu infalible ye la prevención.
–Toni...
–Si quiero que se me pase la gilipollez, non te puedo nin ver.
–¿Entós?
–Voi dexar les redes sociales, abandono’l grupu de faltosos de guasap. Voi dar un giru a la mio esistencia, tío. Con esta pandemia universal...
–Pero...
–¡Lo siento, Luis Alfredo, tengo que cortar!
–¿Garrote la ómicrom? Tas fatal.
–Na. Voi empezar a quereme: menos deporte, más birras y munchos cómics.
–¡Calla, ho!
–Volveré comer con gluten, quiero ser yo mismu.
–¡Tas fatal! ¡Fatal!
–Ah. Y voi quedar con Marinieves, la to prima.
–¿La mi prima?
–Sí, necesito gente que m’aporte y ella, oye, si me lo quier dar...
–¿Que qué, ho?
–Lo siento, tío, non quiero vete más.
–Pero, Toni...
–¡Que te pires, Luis Alfredo! ¡A rascala, pírate ya!
www.parandoenvillalpando.com
