–¿Y esa risina?
–Na. El Karma, que ta faciendo el so trabayu.
–¿El qué, ho?
–Díjetelo yo: nun hai escapatoria. Y tú venga a putear.
–Pero…
–Que si negacionismu, que si ye too un cuentu, que si la libertá…
–¿Qué vas dicir, ma?
–Llevas riéndote de nosotros casi dos años, guapín.
–Bueno…
–Que si las mascarillas son una parida, que si lo que mata ye’l 5G, que si la vacuna de Bill Gates, que si la dominación mundial…
–Yo…
–Y venga memes, chistes crueles, chats de Telegram…
–¿Quiés callar?
–Taba visto, ¿oíste? Si nun te garra una ola ye la siguiente, si nun ye una variante ye otra.
–¡Puf! ¡Qué dolor de cabeza!
–El Karma, Kike.
–¿El qué, ho?
–Ye una ley cósmica, fíu. Los pensamientos negativos son un bumerán.
–¿Qué?
–Ye como esa colilla qu’intentes tirar pol ventanu del coche y, pol vientu, te cai justo debajo de los güevos.
–¿Quiés dejar de dame la turra?
–¿Quién empezó, ho? ¿Quién empezó?
–Home, yo…
–Avisete, Kike: el Karma ye como les tarjetes de crédito.
–¿Eh?
–Disfrutes ahora pero pagues depués. Tanta macroespicha, tantu botellón…
–A ver, yo…
–Y menos mal que tas vacunáu, anda. Menos mal. Si no…
–Oye, ho, pero esa risina…
–¡Ay, que Dios me perdone, fíu! Pero bien que te reíste tú de los demás.
–Home…
–Y menos mal que nun hai qu’ingresate. Menos mal.
–Cagonlamar, lo raro ye que yo diera positivu.
–Home, claro. Non yes más tontu porque’l día non ye más largu.
–¿Por?
–¿Creíes que yeres invencible?
–Home, yo…
–El tiempu, Kike, ye más finu que tú. Y, fíu, tanta mala hostia…
–Pero yo…
–Acumulaste mal Karma, Kike. ¡Por faltosu!
–Vaya, ho.
–Puteástenos con eso del negacionismu tou lo que quisiste. ¿O ye mentira?
–Bah.
–Y menos mal que te llevamos arrastras a vacunar…
–No sé yo…
–Menos mal.
www.parandoenvillalpando.com
