–Y nunca más se supo.
–¿Entós?
–Esfumose, Tino. Marijose esfumose.
–Pero...
–Sin dejar rastru, sin esplicaciones, bloquiando, borrando les cuentes...
–¿Pero así, d’un día pa otru?
–Sí, sí. Dejó de responder a mensajes, a llamaes...
–Vaya, ho. ¿Y cuánto duró la relación?
–¿La qué, ho?
–Tabais saliendo, ¿no?
–Home, saliendo... saliendo...
–¿Entós?
–Virtualmente, sí.
–Ya tamos.
–¿Qué, ho?
–Una cosa ye salir por Monteana y otra pol Metaverso, Gelu.
–Bah. Nun ye necesario vese en persona pa tar juntos de corazón.
–Sí, ho.
–Como cibernovia yera impecable: likes, post, besinos, foto va, foto vien...
–¿Y esfumose de repente, ho?
–Alejose de mi vida, Tino. Y nun sé por qué.
–Igual necesitaba espacio.
–Jobar, ni que fuera un Samsung.
–Ye difícil decir adiós.
–Na. Más difícil ye decir aserejé-ja-deje de jebe tu de jebere seibiunouva majavi an de bugui an de güididípi.
–Ya, nun sé. Tará nun momentu emocional compleju, Gelu.
–Pero que dea la cara, coime, qu’esplique cómo se siente...
–Agora ye too fantasmal. Fáente un “ghost” y nun sabes más.
–Nun soi quien a quitala del pensamientu. Cada vez que veo a una muyer...
–Pues imagínate en China.
–¿Qué?
–A cualquiera que mires recuérdate a tu ex.
–¿Por qué lo qu’ayer yeren rises y promeses güei ye un silenciu atronador?
–La vida, Gelín.
–¿Por qué nun llama? ¿Por qué nun responde a los mensajes? ¿Por qué ya nun da ‘likes’ a les mis fotos ni cotillea les mis ‘stories’?
–Nun-y des más vueltes.
–Ye un misteriu.
–A ver, Gelu, lo de la fotopolla…
–¿Paecería-y mal, ho?
–Home...
–Fue un calentón. Empezó ella. Pidiome que y-diera caña.
–Habela llevao a pescar.
–Pues saliome favorecía.
–¿El qué, ho?
–La foto, nun taba mal.
–Yes más bastu qu’un bocata de polvorones.
–Fícelo con cariño, Tino. Qué difícil esto de les relaciones.
www.parandoenvillalpando.com
